Nehemiah 10:1-39
10 Tu meh bala orang ke ngesahka sempekat nya ngena chop sida:
Gabenor* Nehemiah anak Hakaliah,Sedekiah,
2 Serayah, Asariah, Jeremiah,
3 Pashur, Amariah, Malkijah,
4 Hatus, Sebaniah, Maluk,
5 Harim, Meremot, Obadiah,
6 Daniel, Gineton, Baruk,
7 Mesulam, Abijah, Mijamin,
8 Masiah, Bilgai, enggau Semayah. Semua sida nya bala imam.
9 Tu meh orang Lewi ke ngesahka sempekat nya: Jesua anak Asaniah, Binui ari peturun Henadat, Kadmiel,
10 Sebaniah, Hodiah, Kelita, Pelayah, Hanan,
11 Mika, Rehop, Hasabiah,
12 Zakur, Serebiah, Sebaniah,
13 Hodiah, Bani, enggau Beninu.
14 Tu meh bala tuai ke ngesahka sempekat nya: Paros, Pahat-moap, Elam, Zattu, Bani,
15 Buni, Asgat, Bebai,
16 Adonijah, Bikvai, Adin,
17 Ater, Hesekiah, Azur,
18 Hodiah, Hasum, Bezai,
19 Harip, Anatot, Nebai,
20 Makpias, Mesulam, Hesir,
21 Mesesabel, Sadok, Jadua,
22 Pelatiah, Hanan, Anayah,
23 Hoshea, Hananiah, Hasup,
24 Halohes, Pilha, Sobek,
25 Rehum, Hasapnah, Maseyah,
26 Ahijah, Hanan, Anan,
27 Maluk, Harim, enggau Banah.
28 Bala sida ke bukai, iya nya bala imam, bala orang Lewi, bala orang ke nyaga pintu kuta, bala penyanyi, bala orang ke gawa ba Rumah Sembiang,* enggau semua orang ke nyeraraka diri ari orang ba menua nya ngambika ulih nitihka Adat Petara ti bendar, nyengkaum bala bini sida enggau anak sida, sereta semua orang ke bisi penemu enggau ulih meretika utai,*
29 sama enggau bala menyadi sida ke tinggi pangkat besumpah deka nitihka Adat Petara ti bendar, lalu sida minta Petara ngukum sida enti sida enda ngasi. Adat nya udah diberi nengah nembiak Petara ti bendar, iya nya Moses. Sida mega besumpah deka ngasika semua pesan Tuan kitai, Jehovah, pemutus Iya, enggau peraturan Iya.
30 Kitai enda tau ngasuh anak indu kitai kawin enggau orang bansa bukai ba menua tu, lalu kitai enda tau ngasuh anak lelaki kitai kawin enggau anak indu sida.
31 Enti orang bansa bukai datai nyual barang tauka mayuh jenis bijirin ngagai kitai maya Hari Sabat, kitai enggai meli nama-nama utai ari sida maya Hari Sabat tauka hari ti kudus. Ba taun ti ketujuh, kitai enda tau ngereja nama-nama utai ba tanah kitai, lalu kitai deka nginsil semua utang orang ba kitai.
32 Kitai mega nentuka tiap taun, tiap iku kitai wajib meri empat gram pirak* ke pengawa ba Rumah Sembiang Petara kitai,
33 ke roti ti belapis,* ke pemeri bijirin ti diserah enggau tetap, ke pemeri tunu maya Hari Sabat enggau maya pengerami bulan baru, ke pengerami bukai ti udah ditetapka, ke utai ti kudus, ke pemeri kena ngulihka pengampun dosa ke Israel, sereta ke semua pengawa ba Rumah Sembiang Petara kitai.
34 Kitai mega bechabut undi kena nentuka kemaya bala imam, orang Lewi, enggau bala rayat patut mai kayu ngagai Rumah Sembiang Petara kitai. Tiap suku mai kayu nitihka giliran sida ba maya ke udah ditetapka ninting taun. Kayu nya deka ditunu ba alta* Petara kitai, Jehovah, nitihka utai ke udah ditulis ba Adat.
35 Tiap taun, kitai mega deka mai asil ti keterubah ari ladang kitai enggau asil ti keterubah ari tiap jenis pun buah kitai ngagai Rumah Jehovah.
36 Kitai mega deka mai anak tuai kitai ke lelaki enggau anak tuai ke lelaki ari raban jelu tupi kitai, sapi, bedus, enggau kambin ngagai Rumah Sembiang Petara kitai, nitihka utai ke udah dipadah ba Adat, lalu nyerahka nya ngagai bala imam ke gawa ba dia.
37 Kelimpah ari nya, kitai deka mai asil bijirin ti keterubah, asil ari tiap jenis pun kayu, wain ti baru, minyak, enggau pemeri ke bukai ngagai bala imam, ngambika nya dibai ngagai bilik setor* Rumah Sembiang Petara kitai. Kitai mega meri 10 peratus asil ari ladang kitai ngagai orang Lewi, laban orang Lewi meh ke ngumpul 10 peratus asil ari semua kuta ke bisi endur alai betanam.
38 Siku imam ari peturun Aron mesti bisi enggau orang Lewi lebuh sida ngumpul asil 10 peratus nya. Udah nya, orang Lewi mesti ngambi 10 peratus ari asil ke digumpul nya, lalu mai nya ngagai bilik* ke ba setor Rumah Sembiang.
39 Orang Israel enggau orang Lewi patut mai pemeri bijirin, wain ti baru, enggau minyak ngagai bilik setor.* Pekekas Rumah Sembiang mega disimpan ba dia. Bala imam ke bejalaika pengawa, orang ke nyaga pintu kuta, enggau bala penyanyi pan bisi ba dia. Kitai enggai nejuka Rumah Sembiang Petara kitai enda dijaga.
Nota Kaki
^ Tauka “Tirshata,” iya nya gelar gabenor ba perintah Persia.
^ Tauka “Netinim.” Jaku Asal, “orang ke diberi.”
^ Tauka engka, “semua orang ke udah chukup umur meretika sempekat nya.”
^ Jaku Asal, “satu pertiga shekel.” Peda Rujukan B14.
^ Iya nya, roti ti diberi ngagai Petara.
^ Peda Penerang Leka Jaku.
^ Tauka “bilik-bilik makai.”
^ Tauka “bilik-bilik makai.”
^ Tauka “bilik-bilik makai.”
