Nehemiah 11:1-36
-
Bisi orang diau ba Jerusalem baru (1-36)
11 Bala tuai udah diau ba Jerusalem. Tang, bala rayat ke bukai patut bechabut undi kena nentuka sapa ke patut diau ba Jerusalem, iya nya kuta ti kudus. Ari 10 iti ruang bilik, siti aja ruang bilik deka dipilih ngambika diau ba kuta nya, lalu 9 iti ruang bilik agi deka diau ba kuta-kuta ke bukai.
2 Bala rayat muji semua orang ke sanggup diau ba Jerusalem.
3 Tu meh bala tuai wilayah ke diau ba Jerusalem. (Orang Israel ke bukai, bala imam, orang Lewi, orang ke gawa ba Rumah Sembiang,* enggau peturun orang ke gawa ke Solomon diau ba tanah sida empu ba kuta Judah ke bukai.
4 Sekeda ari orang Judah enggau Benjamin mega diau ba Jerusalem.) Ari orang Judah: Atayah (Atayah nya anak Usiah, Usiah nya anak Sekariah, Sekariah nya anak Amariah, Amariah nya anak Sepatiah, Sepatiah nya anak Mahalalel, lalu Mahalalel nya peturun Peres)
5 enggau Maseyah (Maseyah nya anak Baruk, Baruk nya anak Kolhoseh, Kolhoseh nya anak Hazayah, Hazayah nya anak Adayah, Adayah nya anak Joyarip, Joyarip nya anak Sekariah, lalu Sekariah nya peturun Selah).
6 Semua peturun Peres ke diau ba Jerusalem bisi 468 iku. Semua sida nya lelaki ti kering.
7 Ari orang Benjamin: Salu (Salu nya anak Mesulam, Mesulam nya anak Joet, Joet nya anak Pedayah, Pedayah nya anak Kolayah, Kolayah nya anak Maseyah, Maseyah nya anak Itiel, lalu Itiel nya anak Jesayah),
8 enggau ruang bilik Gabai sereta Sallai. Semua sida bisi 928 iku.
9 Joel anak Sikri nya orang ke ngemataka sida, lalu Judah anak Hasenuah nya orang ti kedua bekuasa pengudah Joel.
10 Ari bala imam: Jedayah anak Joyarip, Jachin,
11 Serayah (Serayah nya anak Hilkiah, Hilkiah nya anak Mesulam, Mesulam nya anak Sadok, Sadok nya anak Merayot, lalu Merayot nya anak Ahitup. Ahitup nya siku tuai ba Rumah Petara ti bendar),
12 enggau bala sida ke gawa ba Rumah Sembiang. Semua sida bisi 822 iku. Kelimpah ari nya, bisi Adayah (Adayah nya anak Jeroham, Jeroham nya anak Pelaliah, Pelaliah nya anak Amsi, Amsi nya anak Sekariah, Sekariah nya anak Pashur, lalu Pashur nya anak Malkijah)
13 enggau bala iya ke mega nyadi tuai suku. Semua sida bisi 242 iku. Pia mega, bisi Amashai (Amashai nya anak Azarel, Azarel nya anak Ahsai, Ahsai nya anak Masilemot, lalu Masilemot nya anak Imer)
14 enggau bala iya ke kering sereta berani. Semua sida bisi 128 iku. Sapdiel nya orang ke ngemataka sida, lalu iya datai ari ruang bilik orang ke tinggi pangkat.
15 Ari orang Lewi: Semayah (Semayah nya anak Hasup, Hasup nya anak Asrikam, Asrikam nya anak Hasabiah, lalu Hasabiah nya anak Buni),
16 Sabetai, enggau Josabat. Seduai iya tuai orang Lewi ke ngatur pengawa ba luar Rumah Petara ti bendar.
17 Kelimpah ari nya, bisi Mataniah ke ngiring orang belagu meri puji lebuh sampi dikenataika. (Mataniah nya anak Mikah, Mikah nya anak Sabdi, Sabdi nya anak Asaf.) Bisi mega Bakbukiah, iya nya penulung Mataniah, enggau Abda (Abda nya anak Shamua, Shamua nya anak Galal, lalu Galal nya anak Jedutun).
18 Semua orang Lewi ke diau ba kuta ti kudus nya bisi 284 iku.
19 Ari bala orang ke nyaga pintu kuta: Akup, Talmon, enggau bala seduai iya. Semua sida bisi 172 iku.
20 Orang Israel, bala imam, enggau orang Lewi ke bukai diau ba kuta-kuta Judah ke bukai, iya nya ba tanah pesaka sida empu.
21 Bala orang ke gawa ba Rumah Sembiang* diau ba Opel, lalu Siha enggau Gispa ngemataka sida.
22 Usi ngemataka orang Lewi ba Jerusalem. Usi mega ngemataka semua pengawa ba Rumah Petara ti bendar. (Usi nya anak Bani, Bani nya anak Hasabiah, Hasabiah nya anak Mataniah, Mataniah nya anak Mika, lalu Mika ari peturun Asaf. Bala penyanyi datai ari peturun Asaf.)
23 Raja udah ngaga atur ngambika utai ke diguna bala penyanyi ninting hari disediaka.
24 Petahiah anak Mesesabel nya penasihat* raja pasal utai ke bekaul enggau rayat. Iya ari peturun Zerah anak Judah.
25 Tu ladang enggau endur sida diau: Sekeda orang Judah diau ba Kiriat-arba enggau kuta-kuta mit ke ngelingi Kiriat-arba, ba Dibon enggau kuta-kuta mit ke ngelingi Dibon, ba Jekapseel enggau kampung ke semak iya,
26 ba Jesua, ba Moladah, ba Bet-pelet,
27 ba Hasar-sual, ba Beer-sheba enggau kuta-kuta mit ke ngelingi Beer-sheba,
28 ba Siklak, ba Mekonah enggau kuta-kuta mit ke ngelingi Mekonah,
29 ba En-rimon, ba Sorah, ba Jarmut,
30 ba Sanoah, ba Adulam enggau kampung ke semak iya, ba Lakis enggau ladang iya, sereta ba Asekah enggau kuta-kuta mit ke ngelingi Asekah. Sida diau* ba Beer-sheba sampai ngagai Lebak Hinom.
31 Orang Benjamin diau ba Geba, ba Mikmas, ba Aija, ba Bethel enggau kuta-kuta mit ke ngelingi Bethel,
32 ba Anatot, ba Nop, ba Ananiah,
33 ba Hasor, ba Ramah, ba Gitaim,
34 ba Hadit, ba Seboim, ba Nebalat,
35 ba Lod, enggau ba Ono, iya nya Lebak Tukang.*
36 Kelimpah ari nya, sekeda raban orang Lewi ke diau ba Judah diasuh pindah ngagai kawasan orang Benjamin.
Nota Kaki
^ Tauka “Netinim.” Jaku Asal, “orang ke diberi.”
^ Tauka “Netinim.” Jaku Asal, “orang ke diberi.”
^ Tauka “penyanding penemu.”
^ Tauka “nirika kem.”
^ Tauka engka, “Ono, enggau Lebak Tukang.”
