Nehemiah 7:1-73
7 Pengudah dinding kuta tembu digaga, aku pan masang pintu kuta. Udah nya, bala orang ke nyaga pintu kuta, bala penyanyi, enggau orang Lewi dilantik ngambika sida bejalaika pengawa sida.
2 Udah nya, aku ngasuh menyadi aku, Hanani, ngemataka kuta Jerusalem. Iya ditulung Hananiah, laban Hananiah orang ke tau dikearapka, lalu iya nangika Petara ti bendar lebih agi ari sida ke bukai. Hananiah nya tuai ke ngemataka Kubu.
3 Ku aku madah ngagai seduai iya: “Pintu kuta Jerusalem semina tau dibuka maya hari nyau angat. Lebuh orang ke nyaga pintu nya benung bejaga, pintu nya patut seruran ditutup, lalu sida patut masang palang kena ngunchi pintu nya. Pilih orang Jerusalem ngambika nyadi jejaga. Sekeda ari sida deka bejaga ba endur ke udah ditetapka, lalu sekeda nya bejaga ba depan rumah sida empu.”
4 Kuta Jerusalem amat besai, lalu ruang ba kuta nya mega besai. Tang orang ba dia mimit, lalu rumah bedau digaga.
5 Petara meransang* ati aku ngambika ngempuruka bala orang ke tinggi pangkat, bala tuai, enggau bala rayat, lalu ngerejista sida nitihka tusut peturun sida. Udah nya, aku tetemuka bup pasal tusut peturun bala sida ti keterubah pulai kitu pengudah ditaban ngagai menua bukai. Tu utai ke ditulis ba bup nya:
6 Tu meh bala orang ari wilayah* nya ke pulai ari Babilon. Sida udah idup begulai enggau orang ba dia ke udah ditangkap Raja Nebukadnesar. Udah nya, sida pulai ngagai kuta sida empu ba Jerusalem enggau Judah.
7 Sida pulai sama enggau Serubabel, Jesua, Nehemiah, Asariah, Ramiah, Nahamani, Mordikai, Bilsan, Misperet, Bikvai, Nehum, enggau Banah.
Tu meh penyampau orang Israel ke lelaki:
8 Peturun Paros, 2,172 iku;
9 peturun Sepatiah, 372 iku;
10 peturun Arah, 652 iku;
11 peturun Pahat-moap, ke mega peturun Jesua enggau Joap, 2,818 iku;
12 peturun Elam, 1,254 iku;
13 peturun Zattu, 845 iku;
14 peturun Zakai, 760 iku;
15 peturun Binui, 648 iku;
16 peturun Bebai, 628 iku;
17 peturun Asgat, 2,322 iku;
18 peturun Adonikam, 667 iku;
19 peturun Bikvai, 2,067 iku;
20 peturun Adin, 655 iku;
21 peturun Ater, ke mega peturun Hesekiah, 98 iku;
22 peturun Hasum, 328 iku;
23 peturun Bezai, 324 iku;
24 peturun Harip, 112 iku;
25 peturun Gibeon, 95 iku;
26 orang Betlehem enggau Netopah, 188 iku;
27 orang Anatot, 128 iku;
28 orang Bet-asmabet, 42 iku;
29 orang Kiriat-jearim, Kefirah, enggau Berot, 743 iku;
30 orang Ramah enggau Geba, 621 iku;
31 orang Mikmas, 122 iku;
32 orang Bethel enggau Eyai, 123 iku;
33 orang Nebo ke siti agi, 52 iku;
34 peturun siku agi lelaki ke benama Elam, 1,254 iku;
35 peturun Harim, 320 iku;
36 orang Jeriko, 345 iku;
37 orang Lod, Hadit, enggau Ono, 721 iku;
38 orang Senaah, 3,930 iku.
39 Penyampau bala imam: Peturun Jedayah, ke mega peturun Jesua, 973 iku;
40 peturun Imer, 1,052 iku;
41 peturun Pashur, 1,247 iku;
42 peturun Harim, 1,017 iku.
43 Penyampau orang Lewi: Peturun Jesua, ke mega peturun Kadmiel enggau Hodeva, 74 iku.
44 Penyampau bala penyanyi: Peturun Asaf, 148 iku.
45 Penyampau orang ke nyaga pintu kuta: Peturun Salum, peturun Ater, peturun Talmon, peturun Akup, peturun Hatita, enggau peturun Sobai, 138 iku.
46 Orang ke gawa ba Rumah Sembiang:* Peturun Siha, peturun Hasupa, peturun Tabaot,
47 peturun Keros, peturun Sia, peturun Padon,
48 peturun Lebanah, peturun Hagabah, peturun Salmai,
49 peturun Hanan, peturun Gidel, peturun Gahar,
50 peturun Riayah, peturun Resin, peturun Nekoda,
51 peturun Gasam, peturun Uza, peturun Paseah,
52 peturun Besai, peturun Miunim, peturun Nepusesim,
53 peturun Bakbuk, peturun Hakupa, peturun Harhur,
54 peturun Baslit, peturun Mehida, peturun Harsa,
55 peturun Barkos, peturun Sisera, peturun Temah,
56 peturun Nesiah, enggau peturun Hatipa.
57 Orang ke gawa ke Solomon datai ari peturun Sotai, Soperet, Perida,
58 Jaala, Darkon, Gidel,
59 Sepatiah, Hatil, Pokeret-hasebaim, enggau Amon.
60 Penyampau semua orang ke gawa ba Rumah Sembiang* enggau peturun orang ke gawa ke Solomon bisi 392 iku.
61 Tu meh bala orang ke datai ari Tel-melah, Tel-harsa, Cherub, Adon, enggau Imer, ke enda ulih nunjukka bukti ari ni asal sida sereta nadai bukti aki ini sida peturun Israel:
62 Peturun Delayah, peturun Tobiah, enggau peturun Nekoda, 642 iku.
63 Bala imam: Peturun Habayah, peturun Hakos, enggau peturun Barsilai. Barsilai ngangkatka nama entua iya empu, iya nya Barsilai ari Gilead.
64 Sida nguji ngiga rekod tusut peturun sida, tang nadai temu. Nya alai, sida enda layak nyadi imam.*
65 Gabenor* madahka sida enda tau makai utai ti pemadu kudus. Semina pengudah siku imam minta iring Petara nengah Urim enggau Tumim* baru sida ulih makai nya.
66 Penyampau semua sida bisi 42,360 iku.
67 Penyampau nya enda nyengkaum 7,337 iku ulun lelaki enggau ulun indu, sereta 245 iku penyanyi lelaki enggau penyanyi indu.
68 Sida bisi 736 iku kuda, 245 iku baghal,*
69 435 iku unta, enggau 6,720 iku keledai.
70 Sekeda tuai suku meri pemeri kena nyukung pengawa ke dipejalaika. Gabenor* udah meri kira-kira lapan kilogram emas,* 50 iti mangkuk, enggau 530 iti baju jubah ke dikena imam.
71 Bisi mega bala tuai suku ke meri 168 kilogram* emas enggau 1,254 kilogram* pirak.
72 Bala rayat ke bukai meri 168 kilogram emas, 1,140 kilogram* pirak, enggau 67 iti baju jubah ke dikena imam.
73 Bala imam, orang Lewi, orang ke nyaga pintu kuta, bala penyanyi, bala sida ke gawa ba Rumah Sembiang,* enggau semua orang Israel ke bukai diau ba kuta sida empu. Ba bulan ketujuh, orang Israel udah diau ba kuta sida empu.
Nota Kaki
^ Jaku Asal, “nyimpan dalam.”
^ Engka merujuk ngagai wilayah Babilon tauka wilayah Judah.
^ Tauka “Netinim.” Jaku Asal, “orang ke diberi.”
^ Tauka “Netinim.” Jaku Asal, “orang ke diberi.”
^ Tauka “enda tau nyadi imam laban enda tuchi.”
^ Tauka “Tirshata,” iya nya gelar gabenor ba perintah Persia.
^ Peda Penerang Leka Jaku.
^ Merujuk ngagai anak ke ada ari keledai lelaki enggau kuda indu.
^ Tauka “Tirshata,” iya nya gelar gabenor ba perintah Persia.
^ Jaku Asal, “1,000 drakma emas.” Iya nya darik emas Persia ke ngemerat 8.4 g. Lain ari drakma ke ba Matthew ngagai Pemandang. Peda Rujukan B14.
^ Jaku Asal, “20,000 drakma.”
^ Jaku Asal, “2,200 mina.” Peda Rujukan B14.
^ Jaku Asal, “2,000 mina.”
^ Tauka “Netinim.” Jaku Asal, “orang ke diberi.”
