Pemungkal 5:1-32
5 Tu lis pasal peturun Adam. Maya Petara ngaga Adam, Iya ngaga Adam sama baka Iya Empu.
2 Petara ngaga lelaki enggau indu. Ba hari seduai iya digaga, Petara merekatka seduai iya lalu ngangauka seduai iya Mensia.
3 Lebuh Adam beumur 130 taun, iya bisi siku anak lelaki ke sebaka gamal enggau iya. Lalu nama anak iya nya Set.
4 Pengudah Set ada, Adam idup 800 taun da agi, lalu iya bisi anak lelaki enggau anak indu ke bukai.
5 Adam idup pengelama 930 taun. Udah nya iya mati.
6 Maya Set beumur 105 taun, iya bisi siku anak lelaki ke benama Enos.
7 Pengudah Enos ada, Set idup 807 taun da agi, lalu iya bisi anak lelaki enggau anak indu ke bukai.
8 Set idup pengelama 912 taun. Udah nya iya mati.
9 Maya Enos beumur 90 taun, iya bisi siku anak lelaki ke benama Kenan.
10 Pengudah Kenan ada, Enos idup 815 taun da agi, lalu iya bisi anak lelaki enggau anak indu ke bukai.
11 Enos idup pengelama 905 taun. Udah nya iya mati.
12 Maya Kenan beumur 70 taun, iya bisi siku anak lelaki ke benama Mahalalel.
13 Pengudah Mahalalel ada, Kenan idup 840 taun da agi, lalu iya bisi anak lelaki enggau anak indu ke bukai.
14 Kenan idup pengelama 910 taun. Udah nya iya mati.
15 Maya Mahalalel beumur 65 taun, iya bisi siku anak lelaki ke benama Jaret.
16 Pengudah Jaret ada, Mahalalel idup 830 taun da agi, lalu iya bisi anak lelaki enggau anak indu ke bukai.
17 Mahalalel idup pengelama 895 taun. Udah nya iya mati.
18 Maya Jaret beumur 162 taun, iya bisi siku anak lelaki ke benama Enok.
19 Pengudah Enok ada, Jaret idup 800 taun da agi, lalu iya bisi anak lelaki enggau anak indu ke bukai.
20 Jaret idup pengelama 962 taun. Udah nya iya mati.
21 Maya Enok beumur 65 taun, iya bisi siku anak lelaki ke benama Metuselah.
22 Pengudah Metuselah ada, Enok terus bejalai enggau Petara ti bendar pengelama 300 taun, lalu iya bisi anak lelaki enggau anak indu ke bukai.
23 Enok idup pengelama 365 taun.
24 Enok terus bejalai enggau Petara ti bendar. Udah nya nadai orang meda iya agi laban Petara udah ngambi iya.
25 Maya Metuselah beumur 187 taun, iya bisi siku anak lelaki ke benama Lamek.
26 Pengudah Lamek ada, Metuselah idup 782 taun da agi, lalu iya bisi anak lelaki enggau anak indu ke bukai.
27 Metuselah idup pengelama 969 taun. Udah nya iya mati.
28 Maya Lamek beumur 182 taun, iya bisi siku anak lelaki.
29 Iya meri anak nya nama Noah,* laban ku iya: “Anak tu deka ngelepaska* kitai ari pengawa ti berat ketegal tanah tu udah disumpah Jehovah.”
30 Pengudah Noah ada, Lamek idup 595 taun da agi, lalu iya bisi anak lelaki enggau anak indu ke bukai.
31 Lamek idup pengelama 777 taun. Udah nya iya mati.
32 Maya Noah beumur 500 taun, iya bisi anak lelaki, iya nya Sem, Ham, enggau Japet.
