Penyampau 26:1-65
-
Ngaga banci orang Israel kali kedua (1-65)
26 Pengudah penulah nya ngetu, Jehovah bejaku ngagai Moses enggau Eleasar anak Imam Aron:
2 “Seduai mesti ngaga banci kena ngitung semua orang Israel ke beumur 20 taun ke atas sereta ke layak nyadi soldadu. Itung sida nitihka suku sida.”
3 Nyadi, Moses enggau Imam Eleasar pan bejaku ngagai orang Israel ba menua puang Moap, ke enda jauh ari Sungai Jordan ba Jeriko. Ku seduai iya madahka:
4 “Itung semua sida ke beumur 20 taun ke atas, baka ke diasuh Jehovah nengah Moses.”
Tu meh orang Israel ke pansut ari Ejip:
5 Reuben nya anak Israel ke tuai. Peturun Reuben: Ari Hanok, bisi suku Hanok; ari Pallu, bisi suku Pallu;
6 ari Hesron, bisi suku Hesron; ari Karmi, bisi suku Karmi.
7 Nya meh suku ari raban bansa Reuben. Bisi 43,730 iku orang ke direjista.
8 Anak lelaki Pallu nya Eliap.
9 Anak lelaki Eliap nya Nemuel, Datan, enggau Abiram. Datan enggau Abiram nya meh ke dipilih nyadi pengari kena ngelaban Moses enggau Aron. Seduai iya ngelaban Jehovah sama enggau raban Korah.
10 Udah nya, tanah tebelah lalu nelan sida. Tang, Korah enggau 250 iku penyukung iya mati diempa api. Utai nya nyadi tanda amaran ke orang Israel.
11 Taja pia, bala anak Korah enda mati.
12 Peturun Simion nitihka suku sida: Ari Nemuel, bisi suku Nemuel; ari Jamin, bisi suku Jamin; ari Jachin, bisi suku Jachin;
13 ari Zerah, bisi suku Zerah; ari Shaul, bisi suku Shaul.
14 Nya meh suku ari raban bansa Simion. Bisi 22,200 iku orang ke direjista.
15 Peturun Gat nitihka suku sida: Ari Sepon, bisi suku Sepon; ari Hagi, bisi suku Hagi; ari Suni, bisi suku Suni;
16 ari Osni, bisi suku Osni; ari Eri, bisi suku Eri;
17 ari Arod, bisi suku Arod; ari Areli, bisi suku Areli.
18 Nya meh suku ari raban bansa Gat. Bisi 40,500 iku orang ke direjista.
19 Anak lelaki Judah nya Er enggau Onan. Tang, seduai iya mati ba menua Kanaan.
20 Peturun Judah nitihka suku sida: Ari Selah, bisi suku Selah; ari Peres, bisi suku Peres; ari Zerah, bisi suku Zerah.
21 Suku ke mit agi dalam peturun Peres: Ari Hesron, bisi suku Hesron; ari Hamul, bisi suku Hamul.
22 Nya meh suku ari raban bansa Judah. Bisi 76,500 iku orang ke direjista.
23 Peturun Isakar nitihka suku sida: Ari Tola, bisi suku Tola; ari Puah, bisi suku Puah;
24 ari Jasup, bisi suku Jasup; ari Simron, bisi suku Simron.
25 Nya meh suku ari raban bansa Isakar. Bisi 64,300 iku orang ke direjista.
26 Peturun Sebulun nitihka suku sida: Ari Seret, bisi suku Seret; ari Elon, bisi suku Elon; ari Jahleel, bisi suku Jahleel.
27 Nya meh suku ari raban bansa Sebulun. Bisi 60,500 iku orang ke direjista.
28 Raban bansa Manasi enggau raban bansa Efraim nya peturun Josep.
29 Peturun Manasi nitihka suku sida: Ari Makir, bisi suku Makir. Makir nya apai Gilead. Gilead nya suku ke mit agi dalam peturun Makir.
30 Peturun Gilead: Ari Iyezer, bisi suku Iyezer; ari Helek, bisi suku Helek;
31 ari Asril, bisi suku Asril; ari Shikem, bisi suku Shikem;
32 ari Semida, bisi suku Semida; ari Heper, bisi suku Heper.
33 Zelofehat nya anak lelaki Heper. Tang, Zelofehat nadai anak lelaki. Iya semina bisi anak indu. Nama anak indu iya Malah, Noa, Hoklah, Milkah, enggau Tirsah.
34 Nya meh suku ari raban bansa Manasi. Bisi 52,700 iku orang ke direjista.
35 Peturun Efraim nitihka suku sida: Ari Shutelah, bisi suku Shutelah; ari Beker, bisi suku Beker; ari Tahan, bisi suku Tahan.
36 Suku ke mit agi dalam peturun Shutelah: Ari Eran, bisi suku Eran.
37 Nya meh suku ari raban bansa Efraim. Bisi 32,500 iku orang ke direjista. Nya meh peturun Josep ari raban bansa Manasi enggau raban bansa Efraim.
38 Peturun Benjamin nitihka suku sida: Ari Bila, bisi suku Bila; ari Asbel, bisi suku Asbel; ari Ahiram, bisi suku Ahiram;
39 ari Sepupam, bisi suku Sepupam; ari Hupam, bisi suku Hupam.
40 Anak lelaki Bila nya Ard enggau Naaman. Suku ke mit agi dalam peturun Bila: Ari Ard, bisi suku Ard; ari Naaman, bisi suku Naaman.
41 Nya meh suku ari raban bansa Benjamin. Bisi 45,600 iku orang ke direjista.
42 Peturun Dan nitihka suku sida: Ari Suham, bisi suku Suham. Nya meh suku ari raban bansa Dan.
43 Bisi 64,400 iku orang ke direjista ari suku Suham.
44 Peturun Aser nitihka suku sida: Ari Imnah, bisi suku Imnah; ari Isbi, bisi suku Isbi; ari Beriah, bisi suku Beriah.
45 Suku ke mit agi dalam peturun Beriah: Ari Heber, bisi suku Heber; ari Malkiel, bisi suku Malkiel.
46 Anak indu Aser benama Serah.
47 Nya meh suku ari raban bansa Aser. Bisi 53,400 iku orang ke direjista.
48 Peturun Naptali nitihka suku sida: Ari Jahseel, bisi suku Jahseel; ari Guni, bisi suku Guni;
49 ari Jeser, bisi suku Jeser; ari Silem, bisi suku Silem.
50 Nya meh suku ari raban bansa Naptali. Bisi 45,400 iku orang ke direjista.
51 Semua iya bisi 601,730 iku orang Israel ke direjista.
52 Udah nya, Jehovah bejaku ngagai Moses:
53 “Bagi menua nya nyadika pesaka sida nitihka penyampau sida.
54 Raban bansa ke besai patut diberi tanah pesaka ke besai agi. Tang, raban bansa ke mit patut diberi tanah pesaka ke mit agi. Tanah ke diterima nyadika pesaka tiap iti raban patut nitihka penyampau orang ke direjista.
55 Tang, pesaka nya patut dibagi nitihka chara bechabut undi. Sida patut nerima pesaka nya nitihka raban bansa sida.
56 Pesaka ke tiap iti raban bansa, enda ngira raban bansa nya besai tauka mit, deka ditentuka ngena chara bechabut undi.”
57 Tu meh peturun Lewi ke udah direjista nitihka suku sida: Ari Gerson, bisi suku Gerson; ari Kohat, bisi suku Kohat; ari Merari, bisi suku Merari.
58 Tu suku ke mit agi dalam peturun Lewi: Suku Libni, suku Hebron, suku Mahli, suku Musi, suku Korah.
Kohat nya apai Amram.
59 Nama bini Amram nya Jokibit, iya nya anak indu Lewi, ke ada ba menua Ejip. Jokibit ngadaka Aron, Moses, enggau Miriam. Miriam nya kakak Aron enggau Moses.
60 Aron bisi anak ke benama Nadap, Abihu, Eleasar, enggau Itamar.
61 Tang Nadap enggau Abihu udah mati, laban seduai iya nyerahka api ke enda sah ngagai Jehovah.
62 Semua iya bisi 23,000 iku lelaki ke beumur sebulan ke atas ke direjista. Sida enda direjista enggau orang Israel ke bukai, laban sida enda diberi tanah pesaka.
63 Nya meh semua sida ke direjista Moses enggau Imam Eleasar ba menua puang Moap, ke enda jauh ari Sungai Jordan ba Jeriko.
64 Tang, tu enda nyengkaum sida ke direjista Moses enggau Imam Aron ba dalam banci ke digaga ba menua puang Sinai,
65 laban Jehovah udah nyebut munyi tu pasal sida: “Sida tentu deka mati ba menua puang.” Ari bala sida, semina Kalep anak Jepuneh enggau Josua anak Nun aja ke agi idup.
