Penyampau 29:1-40
29 “‘Ba hari ti keterubah, ba bulan ti ketujuh, kita patut begempuru nyembah Aku. Ba hari nya, kita mesti nyepu terumpit. Maya nya, kita enda tau ngereja pengawa ti berat.
2 Kita mesti nyerahka siku sapi ke lelaki ke agi biak, siku bedus ke lelaki, sereta tujuh iku anak bedus ke lelaki ke beumur setaun nyadika pemeri tunu ke Aku, Jehovah. Semua jelu nya patut nadai penimpang. Bau ari pemeri nya ngelantangka ati Aku.
3 Kita mega mesti nyerahka pemeri bijirin, iya nya tepung ti alus ke dichampurka enggau minyak. Serahka 3.5 kilogram* tepung ke tiap iku sapi ke lelaki, 2 kilogram* tepung ke siku bedus ke lelaki,
4 sereta 1 kilogram* tepung ke tiap iku anak bedus ke lelaki.
5 Serahka mega siku kambin ke lelaki ke agi biak nyadika pemeri kena ngulihka pengampun dosa ke dosa kita.
6 Semua pemeri nya patut diserahka, kelimpah ari pemeri tunu, pemeri bijirin, enggau pemeri wain ke biasa diserahka kita ninting bulan enggau ninting hari. Bau ari pemeri ke ditunu nya ngelantangka ati Aku, Jehovah.
7 “‘Ba hari ke-10, ba bulan ti ketujuh, kita patut begempuru nyembah Aku. Kita patut nunjukka diri tusah ati* ke dosa ke udah dikereja kita. Maya nya, kita enda tau ngereja nama-nama pengawa.
8 Kita mesti nyerahka siku sapi ke lelaki ke agi biak, siku bedus ke lelaki, sereta tujuh iku anak bedus ke lelaki ke beumur setaun nyadika pemeri tunu ke Aku, Jehovah. Semua jelu nya patut nadai penimpang. Bau ari pemeri nya ngelantangka ati Aku.
9 Kita mega mesti nyerahka pemeri bijirin, iya nya tepung ti alus ke dichampurka enggau minyak. Serahka 3.5 kilogram tepung ke tiap iku sapi ke lelaki, 2 kilogram tepung ke siku bedus ke lelaki,
10 sereta 1 kilogram tepung ke tiap iku anak bedus ke lelaki.
11 Serahka mega siku kambin ke lelaki ke agi biak nyadika pemeri kena ngulihka pengampun dosa, kelimpah ari pemeri ke diserahka kena ngulihka pengampun dosa ba Hari Pengampun Dosa. Semua pemeri nya mesti diserahka, kelimpah ari pemeri tunu, pemeri bijirin, enggau pemeri wain ke biasa diserahka ninting hari.
12 “‘Ba hari ke-15, ba bulan ti ketujuh, kita patut begempuru nyembah Aku. Maya nya, kita enda tau ngereja pengawa ti berat, lalu kita patut ngintu pengerami ke Aku, Jehovah, pengelama tujuh hari.
13 Kita mesti nyerahka 13 iku sapi ke lelaki ke agi biak, 2 iku bedus ke lelaki, sereta 14 iku anak bedus ke lelaki ke beumur setaun nyadika pemeri tunu ke Aku, Jehovah. Semua jelu nya patut nadai penimpang. Bau ari pemeri nya ngelantangka ati Aku.
14 Kita mega mesti nyerahka pemeri bijirin, iya nya tepung ti alus ke dichampurka enggau minyak. Serahka 3.5 kilogram tepung ke tiap iku sapi ke lelaki, 2 kilogram tepung ke tiap iku bedus ke lelaki,
15 sereta 1 kilogram tepung ke tiap iku anak bedus ke lelaki.
16 Serahka mega siku kambin ke lelaki ke agi biak nyadika pemeri kena ngulihka pengampun dosa, kelimpah ari pemeri tunu, pemeri bijirin, sereta pemeri wain ke diserahka ninting hari.
17 “‘Ba hari ti kedua, serahka 12 iku sapi ke lelaki ke agi biak, 2 iku bedus ke lelaki, enggau 14 iku anak bedus ke lelaki ke beumur setaun. Semua jelu nya patut nadai penimpang.
18 Serahka pemeri bijirin enggau pemeri wain ke tiap iku sapi, bedus, enggau anak bedus nya nitihka sukatan ke udah ditetapka.
19 Serahka mega siku kambin ke lelaki ke agi biak nyadika pemeri kena ngulihka pengampun dosa, kelimpah ari pemeri tunu, pemeri bijirin, sereta pemeri wain ke diserahka ninting hari.
20 “‘Ba hari ti ketiga, serahka 11 iku sapi ke lelaki, 2 iku bedus ke lelaki, enggau 14 iku anak bedus ke lelaki ke beumur setaun. Semua jelu nya patut nadai penimpang.
21 Serahka pemeri bijirin enggau pemeri wain ke tiap iku sapi, bedus, enggau anak bedus nya nitihka sukatan ke udah ditetapka.
22 Serahka mega siku kambin ke lelaki nyadika pemeri kena ngulihka pengampun dosa, kelimpah ari pemeri tunu, pemeri bijirin, sereta pemeri wain ke diserahka ninting hari.
23 “‘Ba hari ti keempat, serahka 10 iku sapi ke lelaki, 2 iku bedus ke lelaki, enggau 14 iku anak bedus ke lelaki ke beumur setaun. Semua jelu nya patut nadai penimpang.
24 Serahka pemeri bijirin enggau pemeri wain ke tiap iku sapi, bedus, enggau anak bedus nya nitihka sukatan ke udah ditetapka.
25 Serahka mega siku kambin ke lelaki ke agi biak nyadika pemeri kena ngulihka pengampun dosa, kelimpah ari pemeri tunu, pemeri bijirin, sereta pemeri wain ke diserahka ninting hari.
26 “‘Ba hari ti kelima, serahka 9 iku sapi ke lelaki, 2 iku bedus ke lelaki, enggau 14 iku anak bedus ke lelaki ke beumur setaun. Semua jelu nya patut nadai penimpang.
27 Serahka pemeri bijirin enggau pemeri wain ke tiap iku sapi, bedus, enggau anak bedus nya nitihka sukatan ke udah ditetapka.
28 Serahka mega siku kambin ke lelaki nyadika pemeri kena ngulihka pengampun dosa, kelimpah ari pemeri tunu, pemeri bijirin, sereta pemeri wain ke diserahka ninting hari.
29 “‘Ba hari ti keenam, serahka 8 iku sapi ke lelaki, 2 iku bedus ke lelaki, enggau 14 iku anak bedus ke lelaki ke beumur setaun. Semua jelu nya patut nadai penimpang.
30 Serahka pemeri bijirin enggau pemeri wain ke tiap iku sapi, bedus, enggau anak bedus nya nitihka sukatan ke udah ditetapka.
31 Serahka mega siku kambin ke lelaki nyadika pemeri kena ngulihka pengampun dosa, kelimpah ari pemeri tunu, pemeri bijirin, sereta pemeri wain ke diserahka ninting hari.
32 “‘Lalu ba hari ti ketujuh, serahka 7 iku sapi ke lelaki, 2 iku bedus ke lelaki, enggau 14 iku anak bedus ke lelaki ke beumur setaun. Semua jelu nya patut nadai penimpang.
33 Serahka pemeri bijirin enggau pemeri wain ke tiap iku sapi, bedus, enggau anak bedus nya nitihka sukatan ke udah ditetapka.
34 Serahka mega siku kambin ke lelaki nyadika pemeri kena ngulihka pengampun dosa, kelimpah ari pemeri tunu, pemeri bijirin, sereta pemeri wain ke diserahka ninting hari.
35 “‘Ba hari ti kelapan, kita mesti ngatur siti gempuru ti kudus. Maya nya, kita enda tau ngereja pengawa ti berat.
36 Kita mesti nyerahka siku sapi ke lelaki, siku bedus ke lelaki, sereta tujuh iku anak bedus ke lelaki ke beumur setaun nyadika pemeri tunu ke Aku, Jehovah. Semua jelu nya patut nadai penimpang. Bau ari pemeri nya ngelantangka ati Aku.
37 Serahka pemeri bijirin enggau pemeri wain ke tiap iku sapi, bedus, enggau anak bedus nya nitihka sukatan ke udah ditetapka.
38 Serahka mega siku kambin ke lelaki nyadika pemeri kena ngulihka pengampun dosa, kelimpah ari pemeri tunu, pemeri bijirin, sereta pemeri wain ke diserahka ninting hari.
39 “‘Lebuh kita ngintu pengerami, nya meh pemeri ke patut diserahka kita ngagai Aku, Jehovah, kelimpah ari pemeri kena ngamatka semaya, pemeri sukarela, pemeri tunu, pemeri bijirin, pemeri wain, enggau pemeri bebaik.’”
40 Moses pan madahka ngagai orang Israel semua utai ke udah dipadahka Jehovah ngagai iya.
Nota Kaki
^ Jaku Asal, “tiga persepuluh efah.” Peda Rujukan B14.
^ Jaku Asal, “dua persepuluh efah.”
^ Jaku Asal, “satu persepuluh efah.”
^ Tu engka merujuk ngagai bepuasa sereta pantang larang ke bukai.
