Penyampau 7:1-89
-
Pemeri kena nguduska Langkau Sembiang (1-89)
7 Ba hari Moses tembu nirika Langkau Sembiang, iya nata lalu nguduska Langkau Sembiang nya, pia mega enggau semua perengka ba dia, alta, enggau semua perengka ba alta. Pengudah iya nata lalu nguduska semua utai nya,
2 bala tuai orang Israel ke mega tuai raban bansa Israel, nyerahka pemeri. Sida nya meh ke ngemataka pengawa ngaga banci.
3 Sida mai 6 iti kerita sapi enggau 12 iku sapi lelaki, lalu nyerahka nya ngagai Jehovah. Dua iku tuai meri siti kerita sapi, lalu tiap iku tuai orang Israel meri siku sapi lelaki. Semua sida mai pemeri tu ke depan Langkau Sembiang.
4 Ku Jehovah bejaku ngagai Moses:
5 “Terima meh semua pemeri nya, laban semua nya deka dikena bejalaika pengawa ba langkau gempuru. Beri semua utai nya ngagai orang Lewi, nitihka utai ke diguna sida ba pengawa sida.”
6 Nyadi, Moses pan nerima kerita sapi enggau sapi nya lalu meri nya ngagai orang Lewi.
7 Iya meri dua iti kerita sapi enggau empat iku sapi lelaki ngagai suku Gerson, nitihka utai ke diguna ba pengawa sida.
8 Iya mega meri empat iti kerita sapi enggau lapan iku sapi lelaki ngagai suku Merari, nitihka utai ke diguna sida ba pengawa sida. Pengawa sida dikemataka Itamar anak Imam Aron.
9 Tang, Moses nadai meri nama-nama utai ngagai suku Kohat, laban sida gawa ba endur ti kudus lalu sida patut ngesan utai ti kudus.
10 Ba hari alta nya ditata, bala tuai nyerahka pemeri sida ba maya alta nya diserahka. Pengudah sida nyerahka pemeri ba depan alta nya,
11 Jehovah madah ngagai Moses: “Tiap hari, siku tuai mesti nyerahka pemeri iya kena pengawa nyerahka alta.”
12 Ba hari ti keterubah, Nason anak Aminadap ari raban bansa Judah, nyerahka pemeri iya.
13 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram,* lalu pemerat mangkuk pirak nya 800 gram,* nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
14 Iya mega nyerahka siti cawan emas, lalu pemerat iya 114 gram.* Cawan nya penuh enggau menyan.
15 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
16 Siku anak kambin diserahka iya nyadika pemeri kena ngulihka pengampun dosa.
17 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Nason anak Aminadap.
18 Ba hari ti kedua, Netanel anak Zuar, iya nya tuai raban bansa Isakar, nyerahka pemeri iya.
19 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram, lalu pemerat mangkuk pirak nya 800 gram, nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
20 Iya mega nyerahka siti cawan emas, lalu pemerat iya 114 gram. Cawan nya penuh enggau menyan.
21 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
22 Siku anak kambin diserahka iya nyadika pemeri kena ngulihka pengampun dosa.
23 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Netanel anak Zuar.
24 Ba hari ti ketiga, Eliap anak Helon, iya nya tuai raban bansa Sebulun, nyerahka pemeri iya.
25 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram, lalu pemerat mangkuk pirak nya 800 gram, nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
26 Iya mega nyerahka siti cawan emas, lalu pemerat iya 114 gram. Cawan nya penuh enggau menyan.
27 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
28 Siku anak kambin diserahka iya nyadika pemeri kena ngulihka pengampun dosa.
29 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Eliap anak Helon.
30 Ba hari ti keempat, Elizur anak Sediur, iya nya tuai raban bansa Reuben, nyerahka pemeri iya.
31 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram, lalu pemerat mangkuk pirak nya 800 gram, nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
32 Iya mega nyerahka siti cawan emas, lalu pemerat iya 114 gram. Cawan nya penuh enggau menyan.
33 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
34 Siku anak kambin diserahka iya nyadika pemeri kena ngulihka pengampun dosa.
35 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Elizur anak Sediur.
36 Ba hari ti kelima, Selumiel anak Zurisadai, iya nya tuai raban bansa Simion, nyerahka pemeri iya.
37 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram, lalu pemerat mangkuk pirak nya 800 gram, nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
38 Iya mega nyerahka siti cawan emas, lalu pemerat iya 114 gram. Cawan nya penuh enggau menyan.
39 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
40 Siku anak kambin diserahka iya nyadika pemeri kena ngulihka pengampun dosa.
41 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Selumiel anak Zurisadai.
42 Ba hari ti keenam, Eliasap anak Duel, iya nya tuai raban bansa Gat, nyerahka pemeri iya.
43 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram, lalu pemerat mangkuk pirak nya 800 gram, nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
44 Iya mega nyerahka siti cawan emas, lalu pemerat iya 114 gram. Cawan nya penuh enggau menyan.
45 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
46 Siku anak kambin diserahka iya nyadika pemeri kena ngulihka pengampun dosa.
47 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Eliasap anak Duel.
48 Ba hari ti ketujuh, Elisama anak Amihut, iya nya tuai raban bansa Efraim, nyerahka pemeri iya.
49 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram, lalu pemerat mangkuk pirak nya 800 gram, nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
50 Iya mega nyerahka siti cawan emas, lalu pemerat iya 114 gram. Cawan nya penuh enggau menyan.
51 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
52 Siku anak kambin diserahka iya nyadika pemeri kena ngulihka pengampun dosa.
53 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Elisama anak Amihut.
54 Ba hari ti kelapan, Gamaliel anak Pedasur, iya nya tuai raban bansa Manasi, nyerahka pemeri iya.
55 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram, lalu pemerat mangkuk pirak nya 800 gram, nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
56 Iya mega nyerahka siti cawan emas, lalu pemerat iya 114 gram. Cawan nya penuh enggau menyan.
57 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
58 Siku anak kambin diserahka iya nyadika pemeri kena ngulihka pengampun dosa.
59 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Gamaliel anak Pedasur.
60 Ba hari ti kesemilan, Abidan anak Gideoni, iya nya tuai raban bansa Benjamin, nyerahka pemeri iya.
61 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram, lalu pemerat mangkuk pirak nya 800 gram, nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
62 Iya mega nyerahka siti cawan emas, lalu pemerat iya 114 gram. Cawan nya penuh enggau menyan.
63 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
64 Siku anak kambin diserahka iya nyadika pemeri kena ngulihka pengampun dosa.
65 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Abidan anak Gideoni.
66 Ba hari ti ke-10, Ahieser anak Amisadai, iya nya tuai raban bansa Dan, nyerahka pemeri iya.
67 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram, lalu pemerat mangkuk pirak nya 800 gram, nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
68 Iya mega nyerahka siti cawan emas, lalu pemerat iya 114 gram. Cawan nya penuh enggau menyan.
69 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
70 Siku anak kambin diserahka iya nyadika pemeri kena ngulihka pengampun dosa.
71 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Ahieser anak Amisadai.
72 Ba hari ti ke-11, Pagiel anak Okran, iya nya tuai raban bansa Aser, nyerahka pemeri iya.
73 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram, lalu pemerat mangkuk pirak nya 800 gram, nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
74 Iya mega nyerahka siti cawan emas, lalu pemerat iya 114 gram. Cawan nya penuh enggau menyan.
75 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
76 Siku anak kambin diserahka iya nyadika pemeri kena ngulihka pengampun dosa.
77 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Pagiel anak Okran.
78 Ba hari ti ke-12, Ahira anak Enan, iya nya tuai raban bansa Naptali, nyerahka pemeri iya.
79 Iya nyerahka siti pinggai pirak enggau siti mangkuk pirak. Pemerat pinggai pirak nya 1.48 kilogram, lalu pemerat mangkuk pirak nya 800 gram, nitihka timbang berat ke biasa dikena ba endur ti kudus. Pinggai enggau mangkuk nya penuh enggau tepung ti alus ke dichampurka enggau minyak, lalu nya deka nyadi pemeri bijirin.
80 Iya mega nyerahka siti cawan emas, lalu pemerat iya 114 gram. Cawan nya penuh enggau menyan.
81 Kelimpah ari nya, iya mega nyerahka siku sapi lelaki ke agi biak, siku bedus lelaki, enggau siku anak bedus lelaki ke beumur setaun tauka kurang nyadika pemeri tunu.
82 Siku anak kambin diserahka iya nyadika pemeri kena ngulihka pengampun dosa.
83 Kena pemeri bebaik, iya nyerahka dua iku sapi, lima iku bedus lelaki, lima iku kambin lelaki, enggau lima iku anak bedus lelaki ke beumur setaun. Nya meh pemeri ke diserahka Ahira anak Enan.
84 Tu meh pemeri ke diserahka bala tuai orang Israel kena pengawa nyerahka alta: 12 iti pinggai pirak, 12 iti mangkuk pirak, enggau 12 iti cawan emas.
85 Pemerat tiap iti pinggai pirak nya 1.48 kilogram, lalu pemerat tiap iti mangkuk pirak nya 800 gram. Nya alai, pemerat kesemua pinggai enggau mangkuk nya 27.36 kilogram, nitihka timbang berat ke biasa dikena ba endur ti kudus.
86 Pemerat tiap iti cawan emas ke diisi penuh enggau menyan nya 114 gram, nitihka timbang berat ke biasa dikena ba endur ti kudus. Nya alai, pemerat kesemua 12 iti cawan emas nya 1.37 kilogram.
87 Penyampau jelu ke diserah nyadika pemeri tunu bisi 12 iku sapi lelaki, 12 iku bedus lelaki, enggau 12 iku anak bedus lelaki ke beumur setaun. Semua pemeri nya diserahka begulai enggau pemeri bijirin. Bisi 12 iku anak kambin ke diserah nyadika pemeri kena ngulihka pengampun dosa.
88 Penyampau jelu ke udah diserah nyadika pemeri bebaik bisi 24 iku sapi lelaki, 60 iku bedus lelaki, 60 iku kambin lelaki, enggau 60 iku anak bedus lelaki ke beumur setaun. Nya meh pemeri kena pengawa nyerahka alta pengudah alta nya ditata.
89 Tiap kali Moses tama ngagai langkau gempuru laban deka bejaku enggau Petara, iya ninga nyawa ari atas penutup peti lampang batu Adat, iya nya ba entara dua iti cherub ke ba atas peti nya. Baka nya meh chara Petara bejaku enggau Moses.
Nota Kaki
^ Jaku Asal, “130 shekel.” Peda Rujukan B14.
^ Jaku Asal, “70 shekel.” Peda Rujukan B14.
^ Jaku Asal, “10 shekel.”
