Nama pemeri ti pemadu manah ulih diberi nuan ngagai anak nuan? Sida begunaka mayuh utai, nyengkaum pengerindu, iring, enggau jaga ari nuan. Tang pemeri ti pemadu berega ke ulih diberi nuan ngagai sida, iya nya penemu pasal Jehovah sereta pemendar ba Jaku Iya, Bup Kudus. (John 17:3) Penemu tu ulih nulung anak nuan rindu agi ke Jehovah sereta nyembah Iya enggau pengabis ati, taja pan agi mit.—Matthew 21:16.

Mayuh apai indai nemu anak mit rindu agi belajar enti utai ke dipelajar sida iya mudah sereta bisi main. Enggau ati ti gaga, kami nyediaka litaricha tu, Anak Belajar Bup Kudus. Tiap iti pelajar digaga ngambika ulih dikena ngajar enggau chara ti mudah. Gambar sereta leka jaku kelebih agi disedia ngagai anak mit ke beumur tiga taun ke baruh. Pia mega, tiap iti pelajar bisi beberapa iti chara pasal main ti ulih digaga. Anak Belajar Bup Kudus ukai ayam dikena anak mit bemain. Tang, brosur tu digaga ngambika nuan ulih sama macha enggau anak nuan, sereta berandau enggau sida.

Kami pechaya litaricha tu ulih nulung nuan ngajar pemendar Bup Kudus ngagai anak nuan lebuh sida “agi mit.”—2 Timoti 3:14, 15.

Menyadi Kristian nuan,

Raban ti Megai Saksi-Saksi Jehovah