“Betlehem Epratah, . . . ari nuan Aku deka mansutka siku pemerintah ke orang Israel.”

Mikah 5:2

“Maya Raja Herod merintah, Jesus ada ba Betlehem ba menua Judea. Udah nya, beberapa iku orang ke nemu nujum nengah bintang, datai ari Timur ngagai Jerusalem.”

Matthew 2:1

“Sida bedua gari aku entara bala sida, lalu bechabut undi ke serayung aku.”

Masmur 22:18

“Pengudah bala soldadu mantang Jesus ba tiang, sida ngambi gari luar iya lalu magi gari iya nyadi empat bagi . . . Sida mega ngambi gari dalam iya. Tang gari nya enda dijait. Iya ditenun ari atas nyentuk ke baruh. Nya alai, sida madah ngagai pangan diri: ‘Anang nyarikka gari tu. Aram kitai bechabut undi kena nentuka sapa ke patut ngempu gari tu.’”

John 19:23, 24

“Indah pangan rapat aku, iya ke pemadu dikarapka aku, ke saum empa saum suap enggau aku, deh udah nguing ngelaban aku.”

Masmur 41:9

“Aku ukai bejaku pasal semua kita. Aku ngelala sapa ke udah dipilih aku. Tang utai tu nyadi kena ngamatka utai ke ditulis ba ayat Bup Kudus: ‘Orang ke makai roti aku udah ngangkatka tumbit iya kena ngelaban aku.’”

John 13:18

“Sida meri ngagai aku tiga puluh singkap pirak nyadika gaji aku.”

Sekariah 11:12, 13

“Udah nya, siku ari 12 iku rasul Jesus, ke benama Judas Iskariot, betemu enggau bala tuai imam. Ku iya: ‘Nama utai ti deka diberi kita ngagai aku enti aku nyerahka Jesus ngagai kita?’ Sida lalu besemaya deka meri iya 30 singkap duit pirak.”

Matthew 26:14, 15; 27:5

“Sida deka merening ngagai orang ke mati dibanchak sida.”

Sekariah 12:10

“Siku soldadu ngerejang rusuk Jesus ngena sangkuh. Tekala nya, darah enggau ai lalu pansut.”

John 19:34