TANYA 11
Nama Nyadi Lebuh Orang Mati?
“Lebuh sida mati, sida pulai baru ngagai tanah. Nya meh maya semua pelan sida lesap.”
Masmur 146:4
“Orang ke idup nemu diri deka mati, tang orang ke mati nadai nemu utai. Sida nadai agi upah dianti. Sida enda dikingatka agi. Pengerindu sida, pemenchi sida, pengingin sida, semua dibai sida mati. Sida nadai agi enggau orang ngereja utai di dunya tu.”
Pengajar 9:5, 6
“Ku [Jesus] madahka: ‘Kaban kitai Lasarus udah tinduk, tang aku deka mansang kin ngerak iya.’ Kebendar iya, Jesus bejaku pasal Lasarus ke udah mati. Tang sida ngumbai iya madahka Lasarus benung tinduk. Nya alai Jesus lalu beterus-terang bejaku ngagai sida: ‘Lasarus udah mati.’”
