“Aku deka ngasuh nuan enggau indu tu begedika pangan diri. Anak iya enggau anak nuan deka seruran bemunsuh enggau pangan diri. Anak iya deka ngeredakka pala nuan, lalu nuan deka mantuk tumbit anak iya.”

Pemungkal 3:15

“Datai meh Perintah Nuan. Nyadi meh peneka Nuan ba dunya baka ba serega.”

Matthew 6:10

“Petara besemaya ngagai Abraham: ‘Nengah peturun nuan, semua ruang bilik ba dunya deka diberekat.’”

Surat Kereja Rasul 3:25

“Enda lama agi, Petara ke meri pengelantang deka ngeredakka Sitan ba baruh kaki kita.”

Rome 16:20

“Pengudah Petara ngasuh semua utai nunduk ngagai Anak Iya, Anak nya deka nunduk ngagai Petara ke ngasuh semua utai nunduk ngagai iya. Enggau nya, semina Petara siku aja ke deka nyadi pemerintah atas semua utai.”

1 Korint 15:28

 “Semaya Petara udah dipadah ngagai Abraham enggau ngagai siku peturun iya . . . , iya nya Kristus. Nambahka nya, enti kita enggi Kristus, kita amat peturun Abraham.”

Galatia 3:16, 29

“Perintah Petara kitai enggau Kristus Iya benung merintah dunya, lalu Iya deka merintah nyadi raja belama iya.”

Pemandang 11:15

“Nya alai, naga ti besai nya dibuai ke baruh. Naga nya meh ular ti asal ke dikumbai Iblis enggau Sitan ke nesatka serata dunya. Naga nya dibuai ke dunya, lalu bala melikat iya mega dibuai ke dunya enggau iya.”

Pemandang 12:9

“Melikat nya nangkap naga nya, iya nya ular ti asal ke dikumbai Iblis enggau Sitan, lalu ngerantai iya pengelama 1,000 taun.”

Pemandang 20:2