Kala orang madahka resia ngagai nuan?— * Bup Kudus madah pasal resia ari Petara. Iya dikumbai “resia” la­ban enda ditemu orang. Bala melikat pan deka nemu mayuh agi pasal resia nya. Kati nuan deka nemu resia nya?—

Ba bup tu, nuan deka meda tanda (​—) pengudah sekeda tanya. Maya nya nuan ngetu, lalu ngelakka anak nuan nyaut.Kelia menya, Petara ngaga seiku lelaki enggau seiku indu. Nama lelaki nya Adam, lalu nama indu nya Hawa. Petara meri seduai iya endur diau ti manah. Endur nya dikumbai kebun Eden. Enti Adam seduai Hawa ningaka jaku Petara, seduai enggau anak seduai iya ulih ngaga serata dunya tu nyadi paradais. Lalu seduai iya ulih idup belama iya ba Paradais. Kati nuan agi ingat nama digaga Adam seduai Hawa?—

Adam seduai Hawa enda ningaka jaku Petara, nya alai kitai diatu enda diau ba paradais. Tang, Petara madah Iya deka ngaga serata dunya tu nyadi manah, lalu semua orang deka gaga ati sereta idup belama iya. Baka ni Iya deka ngereja tu? Nadai orang nemu. Nya resia.

Maya Jesus datai ke dunya tu, iya ngajar orang pasal resia nya. Resia tu pasal Perintah Petara. Jesus ngasuh orang besampi ngambika Perintah tu datai. Perintah tu deka ngaga serata dunya tu nyadi paradais.

Kati nuan deka nemu resia tu?— Kingatka, semina orang ke ningaka jaku Jehovah ulih diau ba Paradais. Bup Kudus madah mayuh cherita pasal orang lelaki enggau indu ke ninga jaku Jehovah. Kati nuan deka belajar pasal sida?— Aram kitai meda sekeda chunto, lalu baka ni kitai ulih nunda sida.