PELAJAR 55
Sukung meh Eklisia Nuan
Di serata dunya, Saksi-Saksi Jehovah gaga ati nyembah Jehovah ba beribu iti eklisia ti bebida. Sida gaga ati laban bulih iring enggau atur ari eklisia, lalu sida nyukung eklisia ngena bemacham chara. Kati nuan mega ngasaika nya?
1. Baka ni nuan ulih ngena awak sereta pengering kena nyukung eklisia?
Semua kitai ulih nulung ba eklisia. Ambika chunto, kati bisi bala menyadi ke tuai tauka sakit ba eklisia nuan? Kati nuan ulih nulung sida meli barang, mai sida ngagai palan gempuru, tauka nulung sida ngereja pengawa ba rumah? (Bacha James 1:27.) Kitai mega ulih nyukung eklisia enggau meresi sereta nyaga palan gempuru. Kitai enda dipejal ngereja pengawa tu. Tang pengerindu kitai ke Jehovah enggau bala menyadi meransang kitai datai mantu enggau sukerela.—Masmur 110:3.
Kelimpah ari nya, bala menyadi ke udah dibaptisa ulih nyukung eklisia ngena chara bukai. Sida ulih nyukung ba pengawa nginjil lebuh sida nyadi pengerintis. Bisi mega pindah ngagai endur bukai ti beguna bantu ba pengawa nirika bengunan tauka ba pengawa nginjil. Bala menyadi lelaki ke layak mega ulih nyadi penulung gempuru tauka tuai gempuru.
2. Baka ni kitai ulih ngena reta kitai nyukung eklisia?
Bup Kudus ngasuh kitai ‘ngemesaika Jehovah’ ngena reta kitai ti pemadu manah. (Jaku Dalam 3:9) Kitai ulih meri duit tauka utai bukai kena nyukung eklisia kitai sereta pengawa nginjil di serata dunya. (Bacha 2 Korint 9:7.) Pemeri kitai mega ulih dikena mantu bala menyadi ke ditinggang pengerusak alam. Ketegal pemeri ke diberi kitai ulih dikena ba mayuh chara, sekeda bala menyadi “ngalau lalu naruh duit” enggau tetap ngambika ulih nyadika pemeri. (Bacha 1 Korint 16:2.) Kitai ulih nepu pemeri nya ba kutak pemeri ba eklisia kitai tauka meri nengah donate.pr418.com. Kitai amat temegah ati laban ulih ngena reta kitai ngayanka pengerindu ngagai Jehovah.
BELAJAR MAYUH AGI
Peratika sekeda chara nuan ulih nyukung eklisia.
3. Kitai ulih ngena reta kitai ke Jehovah
Jehovah enggau Jesus gaga ati lebuh meda kitai meri enggau ati ti deka. Jesus indah muji seiku indu balu ke bebendar deka meri pemeri. Bacha Luke 21:1-4, lalu kerandauka tanya tu:
-
Kati patut kitai meri mayuh duit kena ngagaka ati Jehovah?
-
Nama asai ati Jehovah enggau Jesus lebuh kitai meri ari ati?
Mainka VIDEO kena meda baka ni pemeri kitai dikena. Lalu kerandauka tanya tu.
-
Baka ni duit pemeri dikena ngambika ulih nyukung eklisia di serata dunya?
4. Kitai ulih meri tulung enggau sukarela
Kelia menya, nembiak Jehovah nyaga rumah sembiang enggau manah. Kelimpah ari meri duit, nama agi digaga sida? Bacha 2 Bansa Israel 34:9-11, lalu kerandauka tanya tu:
-
Baka ni orang Israel nulung nyaga rumah Jehovah tauka endur sembiang?
Mainka VIDEO, kena meda baka ni Saksi-Saksi Jehovah nitih teladan nembiak Petara kelia, lalu kerandauka tanya tu.
-
Nama kebuah nya beguna nentuka Palan Gempuru kitai seruran beresi enggau manah?
-
Nama sekeda chara nuan ulih nulung?
5. Bala menyadi lelaki ulih ngemansangka diri ngambika layak ngereja mayuh agi ba eklisia
Bup Kudus meransang menyadi Kristian lelaki ngemansangka diri ngambika ulih nyukung eklisia enggau mayuh agi. Mainka VIDEO, kena meda siti chunto. Lalu, kerandauka tanya tu.
-
Ba video nya, nama patut digaga Ryan kena nyukung eklisia enggau manah agi?
Bup Kudus madahka utai ke patut bisi ba menyadi lelaki ngambika iya ulih layak nyadi penulung gempuru enggau tuai gempuru. Bacha 1 Timoti 3:1-13, lalu kerandauka tanya tu:
ORANG ENGKA NANYA: “Ari ni Saksi-Saksi Jehovah ngulih duit kena melanja pengawa sida?”
-
Nama saut nuan?
LANSA
Jehovah amat beterima kasihka pengawa kitai ke ngena awak, pengering, enggau reta kena nyukung eklisia.
Ulang Kaji
-
Baka ni kitai ulih ngena awak enggau pengering kitai nyukung eklisia?
-
Baka ni kitai ulih ngena reta kitai nyukung eklisia?
-
Nama deka digaga nuan kena nyukung eklisia?
ARAM BELAJAR
Peratika kebuah nembiak Petara kemayaharitu enda ibuh meri pemeri sepuluh peratus.
“Nama Ajar Ari Bup Kudus Pasal Pemeri Sepuluh Peratus?” (Artikel ba laman web jw.org)
Bup Kudus madahka bala menyadi lelaki ke udah dibaptisa megai sekeda tanggung pengawa. Tang baka ni enti siku menyadi indu ke udah dibaptisa patut ngereja sekeda tanggung pengawa nya?
“Tanggung Pengawa Tuai Gempuru ba Eklisia” (Menara Jaga, Februari 2021)
Peda video pasal peneleba Saksi-Saksi Jehovah ke bebendar nganjung litaricha ngagai bala menyadi.
Nyadung Litaricha Bup Kudus ba Semua Endur Menua Congo (4:25)
Peratika baka ni pengawa Saksi-Saksi Jehovah dipelanja enggau chara ti enda sama ari gerempung pengarap bukai.
“Baka Ni Pengawa Saksi-Saksi Jehovah Dipelanja?” (Artikel ba laman web jw.org)
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
