PELAJAR 13
Terangka Utai ti Patut Digaga
Jaku Dalam 3:21
NAMA PATUT DIGAGA: Tulung peninga nuan ngambika sida meretika baka ni utai ke dikerandauka nuan bekaul enggau pengidup sida, lalu padahka sida utai ti patut digaga ari utai ke dipelajarka sida.
BAKA NI NGEREJA NYA:
-
Perundingka pasal peninga nuan. Perundingka enggau dalam, nama kebuah peninga nuan patut ningaka penerang ke dikunsika nuan, lalu perundingka baka ni utai nya ulih nulung sida.
-
Sepemanjai nuan bejaku, padahka utai ti patut digaga peninga nuan. Kenyau ari pun, tiap iku peninga patut ngasaika, ‘Tu utai ke ulih nulung aku.’ Seraya nuan ngerembaika tiap iti poin ti dikemeratka, padahka baka ni chara ngereja utai nya enggau nyemetak.