Perundingka nama utai ke udah ditemu peninga nuan. Ari ke nandu utai ke kala didinga peninga nuan, tulung sida bulih penemu ti baru pasal utai ke diajar nuan.

Giga pansik sereta perundingka enggau dalam. Enti ulih, sebut penerang ke jarang didinga tauka utai ke baru nyadi kena nerangka poin ti deka diajar nuan. Perundingka enggau dalam pasal utai ke deka dikenataika nuan, lalu pikirka baka ni utai nya bekaul enggau penerang ke deka disebut nuan.

Tunjukka pemerat pesan nuan. Terangka baka ni ajar ari Jaku Petara ulih nulung peninga nuan ba pengidup sida besehari-hari. Kerandauka enggau nyemetak pasal utai ke nyadi, ulah sereta pengawa ti bisi kaul enggau peninga nuan.