Tulung peninga nuan ngambika meresa diri empu. Kena tanya ti ulih nulung peninga nuan meresa asai ati diri empu.

Peransang. Peransang peninga nuan berundingka nama kebuah sida patut ngereja pengawa ti manah. Tulung sida ngemansangka tuju ati ti pemadu manah iya nya rinduka Jehovah, rinduka orang bukai, sereta rinduka ajar ari Bup Kudus. Anang nganu peninga nuan, tang tulung sida meda penemu-dalam ari Bup Kudus. Anang ngasuh sida berasai malu tauka besalah, tang tentuka sida berasai diperansang pengudah ninga utai ti dikerandauka nuan. Peransang sida ngereja utai ti pemadu manah ke ulih digaga sida.

Meransang sida semak ngagai Jehovah. Padahka baka ni ajar, prinsip, enggau pesan Bup Kudus mandangka kualiti Petara sereta pengerindu Iya ke kitai. Peransang peninga nuan ngambika berundingka asai ati Jehovah sereta deka ngerinduka ati Iya.