PELAJAR 4
Chara Manah Kena Madahka Ayat Bup Kudus
Matthew 22:41-45
NAMA PATUT DIGAGA: Sebedau nuan macha ayat Bup Kudus, tentuka bala peninga nuan udah besedia nerima penemu nya.
BAKA NI NGEREJA NYA:
-
Perundingka kebuah nuan macha ayat nya. Kena jaku ti ulih nulung peninga nuan tetemuka poin ti deka diterangka nuan ba ayat nya.
-
Seruran ngajar ngena Bup Kudus. Lebuh nuan berandau enggau orang ke pechayaka Petara, tulung sida, ngambika sida nemu Bup Kudus nya endang Jaku Petara. Enggau tu, orang deka nemu Bup Kudus nya pun penatai penemu-dalam ti pemadu tinggi.
-
Tulung peninga rinduka ayat Bup Kudus. Sebut tanya ti deka disaut ngena Bup Kudus tauka penanggul ti deka diputarka ngena Bup Kudus. Nuan mega tau madahka prinsip ti deka diterangka ngena Bup Kudus.
