Indeks Gambar
Nitihka lumur lambar
Ba mua Bup, bisi Paul, Tabita, Galio, Luke, pegawai ke gawa ba Rumah Sembiang enggau bala rasul, orang Saduki, Paul ke dibai bala soldadu ngagai Kaisaria, sereta pengawa nginjil kemayaharitu enggau kerita bunyi sereta gambar.
Lambar 1 Paul dirantai, lalu Luke nepan kapal kargo ngagai Rome.
Lambar 2, 3 Menyadi J. E. Barr enggau Menyadi T. Jaracz nya ari Raban ti Ngiring benung meda peta dunya.
Lambar 11 Jesus meri pengawa ngagai 11 iku bala rasul iya ke tetap ati sereta bala murid ke bukai ba bukit Galili.
Lambar 15 Jesus niki ke serega. Bala rasul meda iya.
Lambar 22 Ba Hari Pentikos, bala murid bejaku ngena bansa jaku bukai ngagai orang ke datai ari menua bukai.
Lambar 40 Bala rasul bediri ba mua Kaiapas ti benung ringat. Raban Kunsil Orang Judah ngasuh bala pegawai ke gawa ba Rumah Sembiang nangkap bala rasul.
Lambar 49 Ba baruh: Pengudah Perang Dunya II, mahkamah Jerman Timur nuduh Saksi-Saksi Jehovah nya pematau ke diupah ari Amerika Serikat.—Majalah Neue Berliner Illustrierte, 3 Oktober 1950.
Lambar 52 Stepen dituduh salah ba mua Raban Kunsil Orang Judah. Orang Saduki ti kaya bisi ba belakang, lalu orang Parisi ke amat alim bisi ba depan.
Lambar 60 Peter ngengkahka jari iya ba atas murid ti baru; Simon mai beg duit.
Lambar 85 Peter enggau bala kaban iya tama ke rumah Kornelius. Kornelius ngena kain ke digantung ba bau kiba iya ke nunjukka iya siku pemesai soldadu.
Lambar 93 Peter dibai siku melikat pansut ari rumah jil, iya engka dijil ba Menara Antonia.
Lambar 95 Ba baruh: Raban orang mayuh ke deka nyerang semak Montreal, Quebec, ba taun 1945.—Majalah Weekend Magazine, Julai 1956.
Lambar 103 Paul enggau Barnabas dibuai ari Antiok ba Pisidia. Ba belakang nya, bisi saluran ai ke engka digaga ba pun abad keterubah Masihi.
Lambar 106 Paul enggau Barnabas enggai disembah ba Listra. Orang ba dia suah meri pemeri ba mua orang mayuh. Sida ngereja nya enggau gaga ati sereta enggau bunyi musik.
Lambar 113 Ba atas: Silas enggau Judas meransang bala menyadi ba raban gempuru di Siria ba Antiok. (SKR. 15:30-32) Ba baruh: Siku tuai ti ngabas meri cheramah ba raban gempuru di Uganda.
Lambar 121 Bala menyadi ba Jerusalem begempuru ba rumah bala menyadi.
Lambar 142 Paul enggau Timoti nepan kapal dagang ke datai ari Rome. Rumah api ulih dipeda ari jauh.
Lambar 157 Paul enggau Silas bisi ba siti laman rumah ti bepagar. Seduai iya ngerarika diri ari orang mayuh ke deka nyerang sida.
Lambar 177 Galio nganu orang ke nuduh Paul. Gari ke dikena iya nunjukka pangkat iya. Iya ngena siti kain burak ke dikena gabenor Rome. Ba tisi kain nya, bisi siti garis bechura ungu. Iya mega ngena sepasang kasut ke dikumbai calcei.
Lambar 180 Demetrius bejaku enggau bala tukang pirak ba Epesus. Rumah sembiang petara Artemis ke digaga ari pirak dijual nyadika hadiah.
Lambar 195 Paul enggau bala kaban iya nepan siti kapal. Tugu Penyangkai Kapal ti Besai ulih dipeda ba belakang. Tugu nya didirika ba abad keterubah Sebedau Masihi.
Lambar 205 Ba baruh: Ba taun 1940-an, litaricha Kristian kitai ditagang ba menua Kanada. Siku nembiak ke Saksi mai litaricha enggau chara belalai. (Gambar tu dilakunka baru.)
Lambar 208 Paul nitihka utai ke dipadah bala tuai gempuru. Luke enggau Timoti duduk ba belakang. Seduai iya nulung Paul nganjung duit pemeri ngagai bala menyadi.
Lambar 218 Anak menyadi indu Paul bejaku enggau Klaudius Lisias ba Menara Antonia. Nya engka endur alai Paul ditan. Rumah sembiang Herod bisi ba belakang.
Lambar 236 Ba kapal dagang, Paul besampika sida ti berasai lelak.
Lambar 254 Paul nyadi orang jil, iya ditanchang enggau siku soldadu Rome. Maya nya, Paul benung meda nengeri Rome.
