Sitan ngasuh orang ngereja utai ti jai. Orang ke deka nyadi pangan Petara patut begedika utai ti dipegedika Jehovah. (Masmur 97:10) Tu sekeda utai ke patut diseliahka pangan Petara:

Dosa seks. “Anang butang.” (Pemansut 20:14) Seks sebedau kawin mega salah.—1 Korint 6:18.

Mabuk. ‘Pemabuk . . . enda ulih bempu Perintah Petara.’—1 Korint 6:10.

Munuh Orang, Bebuai anak. “Anang munuh orang.”—Pemansut 20:13.

Penchuri. “Anang ngenchuri.” —Pemansut 20:15.

Bula. Jehovah begedika “orang ke seruran besaksi bula”.—Jaku Dalam 6:17.

 Pengasar enggau Pengeringat ti Enda Ulih Ditagang. “Iya [Jehovah] begedika orang ke mangah.” (Masmur 11:5) “Utai ti dikereja mensia endang nyata: . . .belaya”.—Galatia 5:19, 20.

Bejudi. ‘Aku nyagi kita begulai enggau orang ke . . . amu”.—1 Korint 5:11.

Bepilih Bansa Enggau Begedika Bansa Bukai. “Rinduka munsuh kita, lalu besampika orang ke merinsaka kita”.—Matthew 5:43, 44.

Utai ke dipadahka Petara nya pulai ke pemanah kitai. Ukai senang deka nyeliahka utai ti jai. Tang ari bantu Jehovah enggau ari bala Saksi Iya, nuan ulih nyeliahka utai ti enda ngenyamaika ati Petara.—Isaiah 48:17; Pilipi 4:13; Hebrew 10:24, 25.