Sebedau belajar

1. 1. Besedia meh enggau manah. Lebuh besedia, perundingka utai ti diguna, situasi, sereta chara pemelajar nuan berunding. Uji perundingka poin ke engka tusah dimeretika tauka dititihka pemelajar nuan. Perundingka baka ni litaricha enggau video ke bisi ba begian “Aram Belajar” ulih nulung pemelajar nuan. Enti ulih, kena meh begian nya lebuh belajar.

Lebuh belajar

1. 2. Besampi meh sebedau sereta pengudah belajar, enti pemelajar nuan setuju.

2. 3. Bejimat enggaika nuan kelalu mayuh bejaku. Fokus ngagai utai ti dipelajar dalam bup nya, lalu awakka pemelajar nuan madahka asai ati diri empu.

3. 4. Lebuh deka berengkah belajar begian ti baru, bacha meh tuju begian nya. Lalu, padahka sekeda pelajar ke bisi dalam begian nya.

4. 5. Pengudah abis siti begian, kena begian ulang kaji ba pengujung begian nya ngambika ulih nulung pemelajar nuan ingatka utai ti udah dipelajarka iya.

5.  6. Seraya nuan belajar tiap iti pelajar enggau pemelajar nuan:

   1. Bacha genteran.

   2. Bacha semua ayat ke bisi tanda “Bacha.”

   3. Enti ulih, bacha ayat bukai ke bisi ba genteran nya.

   4. Pandangka semua video ke bisi tanda “Mainka” (enti bisi).

   5. Tanya pemelajar nuan tiap iti soalan ke bisi ba pelajar nya.

   6. Bai pemelajar nuan meda gambar ba begian “Belajar Mayuh Agi,” lalu minta iya nerangka utai ke dimeretika iya ari gambar nya.

   7. Kena kutak “Uji Tu” ngambika ulih nulung pemelajar nuan meda pemansang diri empu. Nuan ulih meransang iya netapka juluk ati ke bisi ba kutak nya, tauka netapka juluk ati ke bukai, tauka ngereja dua-dua nya sekali.

   8. Tanya meh pemelajar nuan enti bisi video tauka artikel ke dikerinduka iya dalam begian “Aram Belajar” lebuh iya nyediaka diri ba pelajar nya.

   9. Uji ngabiska siti pelajar tiap kali belajar.

Pengudah belajar

1. 7. Terus berundingka pemelajar nuan. Besampi minta Jehovah merekatka pemansang pemelajar nuan, sereta meri nuan penemu ngambika ulih nulung iya.