ATENDAN Bala atendan diatur kena nulung nuan. Bekerejasama meh enggau sida lebuh nuan ngiga endur paking, ngiga penuduk, lebuh sida ngatur pejalai bala mayuh, sereta utai bukai.

BAPTISA Penuduk chalun baptisa udah disediaka ba mua pentas diwan besai. Chalun baptisa patut udah duduk ba dia sebedau cheramah baptisa berengkah kena pagi Hari Enam. Sida patut mai kain mandi enggau gari ke ngena.

PEMERI Mayuh belanja udah dikena nyediaka penuduk ti chukup, perengka audio enggau video, sereta utai bukai ngambika konvensyen tu ngerinduka ati sereta nulung kitai semak agi ngagai Petara Jehovah. Pemeri ari nuan ulih nyukung pengawa tu sereta nyukung pengawa nginjil ba serata dunya. Kutak pemeri ke udah ditanda bisi diengkah ba mayuh endur ba diwan konvensyen tu. Nuan mega ulih meri duit pemeri nengah online, ba donate.pr418.com/iba. Kami amat beterima kasih ke semua pemeri ari kita. Raban ti Ngiring mega beterima kasih ke pengerah jari kita ke nyukung Perintah Petara.

KUTAK UBAT Kingatka, bantu tu semina dikena maya pedis ngenyit aja (emergency).

LENYAU ENGGAU TEMU Barang ke enda temu sapa ngempu, patut diberi ngagai Begian Lenyau enggau Temu. Enti nuan bisi lenyau nama-nama utai, datai meh ngagai begian tu. Anak mit ke tesat ari apai indai patut dianjung ngagai begian tu. Kena ngurangka penanggul, jaga meh anak nuan empu, lalu tentuka sida seruran semak nuan.

PENUDUK Berunding meh pasal orang bukai lebuh ngiga penuduk. Kingatka, nuan patut semina ngalau penuduk ke diri sebilik, orang ke nepan kerita ti sama enggau nuan, orang ke sama diau enggau nuan, tauka orang ke belajar Bup Kudus enggau nuan. Anang ngengkahka barang ba penuduk ke enda digalau nuan.

MERI TULUNG SUKARELA Enti nuan deka nulung ngereja sekeda pengawa maya konvensyen, nuan ulih madahka diri ngagai Begian Penerang enggau Sukarela.

Sekula Penginjil Perintah Petara Pengerintis ke beumur entara 23 ngagai 65 taun, ke bisi ati deka gawa ke Jehovah nengah chara bukai, ulih datai ngagai aum peminta Sekula Penginjil Perintah Petara, kena lemai Hari Minggu. Endur enggau jam aum tu deka dipadahka.