Begian tu nyeritaka pasal pengidup Raja Saul enggau Raja David ba urung 80 taun. Keterubah iya, Saul orang ke baruh ati sereta nangika Petara. Tang nyau kelama, iya berubah lalu enggai nitihka iring Jehovah. Jehovah nulak iya lalu ngasuh Samuel nata David nyadi raja baru menua Israel. Saul ti chemburu nguji deka munuh David mayuh kali, tang David nadai kala malas penyai Saul. Jonatan, anak Saul nemu David udah dipilih Jehovah. Nya alai iya tetap ati ngagai David. David ngaga sekeda penyalah ti besai, tang iya nadai kala nulak disiplin ari Jehovah. Enti nuan apai indai, tulung anak nuan meda pengawa seruran nyukung atur ari Jehovah nya amat beguna.