1. Petara kitai pengasih,

Iya ngampunka penyalah.

Sedia deka meri bantu

Ngagai sida ti beguna.

Ketegal Iya pengasih,

Iya ningaka sebana.

Iya sinu ngagai kitai,

Laban nemu kitai lemi.

2. Lebuh kitai tusah ati,

Ketegal penyalah diri.

Jesus ngasuh kitai sampi

Minta ngampunka penyalah.

Kitai ngampun pangan diri

’Nda ingatka dosa sida.

Anang meh kitai bedendam

Ngambi ati ulih lantang.

3. Beri meh ngau gerah jari,

Anang berundingka diri.

Kitai deka dikerindu,

Lalu ngasaika penyiru.

Petara deka merekat

Pengasih kitai ti bendar.

Ninting hari bebendar meh

Ngayanka ulah ti manah.