Bacha Pemungkal 25:​29-34 kena nemu sekalika Esau enggau Jakop ngaga pemutus ti manah.

Belajar mayuh agi ari konteks iya. Nama nyadi sebedau nya? (P-kal. 25:​20-28) Nama nyadi pengudah nya?—P-kal. 27:​1-46.

Mansik enggau silik agi. Ba jeman nya, nama hak spesial enggau tanggungjawap ke dikembuan anak tuai ke lelaki?—P-kal. 18:​18, 19; w10-IN 1/5 13.

• Kati semina anak tuai aja ke ulih nyadi aki ini Messiah? (w18.02 31-32)

Perundingka utai ti ulih dipelajarka nuan, lalu titihka iya. Nama kebuah hak spesial nyadi anak tuai penting agi ba Jakop, ari menyadi iya Esau? (Heb. 12:​16, 17; w03-IN 15/10 28-29) Nama asai ati Jehovah pasal Jakop enggau Esau, lalu nama kebuah? (Mal. 1:​2, 3) Nama utai ke ulih digaga Esau ngambika tau ngaga pemutus enggau manah agi?

• Tanya diri empu: ‘Baka ni aku nunjukka diri deka ngelantangka ati Jehovah lebuh ngatur pengawa rohani ninting minggu, baka pengawa belajarka Bup Kudus ba diri sebilik?’