Ulih nuan nyaut tanya di baruh tu ngena majalah Menara Jaga 2019?

Nama reti semaya Petara ti madahka: “Nadai senyata ti digaga ulih ngemediska nuan”? (Isa. 54:17)

Kitai ulih arapka Petara deka ngelindung kitai ari “munsuh ti jai.” (Isa. 25:4, 5) Munsuh kitai enda ulih ngemediska kitai belama iya.—w19.01, lamb. 6-7.

Baka ni Petara nunjukka Diri lurus lebuh mutarka orang Kanaan sereta orang Israel ke ngereja utai ti balat jai?

Petara ngukum sida ke ngereja ulah seks ti kamah tauka sida ke ngemediska bala indu enggau anak mit. Iya merekatka orang ke ngasika Iya sereta orang ke ngereja utai ti lurus ngagai orang bukai.—w19.02, lamb. 22-23.

Enti kitai bisi lebuh orang ke enda nyembah Jehovah besampi, nama patut digaga kitai?

Kitai ulih diau jenuh sereta nunjukka basa ngagai sida. Tang kitai enda patut nyebut “amin” tauka bepegai jari enggau sida maya sampi nya dikenataika. Kitai ulih besampi dalam ati. —w19.03, lamb. 31.

Nama kebuah pengawa ngemediska anak mit nya penyalah ti besai?

Pengawa ngemediska anak mit nya dosa ngagai mansa, eklisia, perintah menua enggau ngagai Petara. Enti pengawa nya bisi nyadi, tuai gempuru ngeriput pekara nya nitihka undang-undang menua.—w19.05, lamb. 9-10.

Baka ni nuan ulih ngubah tauka ngemansangka chara nuan berunding?

Chara iya: Bejaku enggau Jehovah nengah sampi. Belematika pasal ulah diri empu. Milih bakih enggau manah.—w19.06, lamb. 11.

Nama ulih digaga kitai ari diatu kena nyikap diri napi pemerinsa?

Kitai patut negapka kaul kitai enggau Jehovah. Andalka Iya rinduka kitai lalu Iya enda ninggalka kitai. Macha Bup Kudus ninting hari lalu seruran besampi. Pechaya meh, berekat ari Perintah Petara endang deka dikeamatka. Ngingatka ayat Bup Kudus ti dikerinduka nuan. Ngingatka lalu nanyi lagu puji ngagai Jehovah.—w19.07, lamb. 2-4.

Nama ulih digaga kitai kena nulung diri sebilik ngambika sida selamat?

Nguji meretika asai ati sida, ngayanka ulah ti manah, sabar, nelap tang anang ngelakka sida ngubah pemutus nuan.—w19.08, lamb. 15-17.

Baka ke udah disemaya Jesus ba Matthew 11:28, baka ni kitai bulih pengering baru?

Kitai bisi bala pengibun ti badas, bakih ti badas enggau pengawa ti badas.—w19.09, lamb. 23.

Baka ni Petara ulih ngasuh kitai deka sereta ulih ngereja peneka Iya? (Plp. 2:13)

Lebuh kitai macha sereta belematika ayat Bup Kudus, Petara ulih ngeringka kitai, ngasuh kitai deka sereta ulih ngereja peneka Iya. Roh kudus Iya ulih ngasuh kitai landik.—w19.10, lamb. 21.

Nama patut digaga kitai sebedau ngaga pemutus?

Bisi lima iti chara: Gaga pansik enggau silik. Besampi minta penemu-dalam. Meresa tuju ngaga siti-siti pemutus. Bisi tuju ti nyemetak. Nemu tatak diri.—w19.11, lamb. 27-29.

Kati penemu pasal semengat ke enda nemu mati bepun ari utai ke dipadah Sitan ngagai Awa?

Tentu enda. Sitan madahka Awa enda mati. Iya mega enda madahka bisi semengat tauka utai bukai ke enda ulih dipeda ba tubuh Awa ke agi mengkang idup pengudah Awa mati. Maya Bah Besai nyadi, ajar ti bula pasal semengat ke enda nemu mati nadai agi. Tang ajar nya engka datai baru sebedau Petara ngachirka orang ke ngaga menara Babel nya ngagai serata dunya.—w19.12, lamb. 15.