Bisi nuan macha semua artikel ari majalah Menara Jaga kena taun tu? Enti pia, saut meh tanya ke bisi ba baruh tu:

Nitihka Masmur 103:8, nama ulih diandalka kitai ketegal pengasih Jehovah?

Ketegal Jehovah bisi pengasih, kitai andal Iya tentu deka ngampunka kitai. Masmur 103:8 nunjukka pengasih Jehovah meransang Iya nulung kitai. Kitai mega patut neladan Iya.​—w21.01, lamb. 21.

Nama kebuah Jehovah numbuhka atur “kepala”?

Iya ngereja nya ketegal pengerindu. Atur ke baka tu ulih nentuka ruang bilik Jehovah bisi atur ti manah sereta pemaik. Tiap iku orang dalam ruang bilik ke nyukung atur tu nemu sapa ke patut ngaga pemutus sereta bejalaika pemutus nya.​—w21.02, lamb. 3.

Nama kebuah orang Kristian patut bejimat lebuh ngena aplikasi nganjung mesej?

Enti seseiku orang milih ngena aplikasi mesej, iya patut bejimat milih bakih ba aplikasi nya. Tang tu tusah dikereja lebuh enggau raban mesej ti besai. (1 Tim. 5:13) Pia mega, penusah tau nyadi ketegal cherita ti enda ditemu betul tauka enda sereta pengawa dagang ke nadai kaul enggau pengawa sembah ngagai Jehovah.​—w21.03, lamb. 31.

Nama sekeda kebuah Petara nejuka Jesus merinsa sereta mati?

Kesatu, Jesus dipantang ba tiang ngambika ulih ngelepaska orang Judah ari sumpah. (Gal. 3:10, 13) Kedua, Jehovah nyikap Jesus nyadi Imam Besai ke jemah ila. Lalu ketiga, penetap ati Jesus nyentukka pemati iya nunjukka mensia mega ulih tetap ati taja pan diuji enggau balat. (Jop 1:9-11)​—w21.04, lamb. 16-17.

Nama ulih digaga nuan taja pan tusah tetemuka orang lebuh nginjil?

Nuan ulih nginjil ba maya sida bisi ba rumah. Nuan mega ulih nukar endur nuan nginjil. Lalu nuan ulih nguji ngena chara bukai, baka nulis surat.​—w21.05, lamb. 15-16.

Nama reti ku rasul Paul maya iya madah: “Ulih Adat, aku udah mati ke Adat”? (Gal. 2:19)

Adat Moses nunjukka mensia ti enda sempurna endang bedosa, lalu Adat nya mai orang Israel ngagai Kristus. (Gal. 3:19, 24) Ketegal tu Paul arapka Kristus. Enggau ngereja nya, Paul “udah mati ke Adat” lalu iya enda agi ditanchang Adat.​—w21.06, lamb. 31.

Baka ni Jehovah nyadi teladan ti pemadu manah ba pengeliat ati?

Jehovah udah milih deka liat ati taja pan nama Iya dipejaika, hak Iya merintah dilaban, bala anak Iya di serega enggau ba dunya ngelaban Iya, pemula ke datai ari Sitan, pemerinsa nembiak ti dikesayauka Iya, beserara ari pangan Iya ke udah nadai, orang ke jai ngemediska orang bukai, mensia majak ngereja ulah seks ti kamah sereta mensia ngerusak dunya ke ditempa Petara.​—w21.07, lamb. 9-12.

Baka ni Josep nyadi teladan ti manah ngayanka penyabar?

Josep napi ulah ti enda lurus ari bala menyadi iya. Ketegal nya iya dibai ngagai Ejip. Ba dia, iya dituduh lalu dijil betaun-taun.​—w21.08, lamb. 12.

Nama dipadah Hagai 2:6-9, 20-22 pasal pengawa ngusak?

Mayuh orang nulak pesan pasal Perintah Petara, tang sekeda orang deka nerima pesan nya. Enda lama da agi, pengawa ngusak ti penudi deka ngerusak semua perintah mensia.​—w21.09, lamb. 15-19.

Nama kebuah kitai patut terus liat ati ba pengawa nginjil?

Jehovah lantang ati enggau pengawa kitai. Enti kitai liat ati ba pengawa nginjil, kitai deka bulih pengidup ti meruan belama iya.​—w21.10, lamb. 25-26.

Baka ni Adat Lewi bagi 19 ulih nulung kitai nitihka jaku lalau: “Intu diri kudus dalam semua utai”? (1 Pet. 1:15)

Ayat tu engka diambi ari Adat Lewi 19:2. Ba bagi 19, bisi mayuh chunto pasal baka ni kitai ulih nitihka jaku lalau 1 Peter 1:15 ba pengidup kitai.​—w21.12, lamb. 3-4.