Mayuh bala menyadi kitai ngena artikel ti dipandangka ba pun laman web jw.org. lebuh nginjil. Artikel nya senang dianjung nengah chara elektronik, lalu kesuah iya, artikel nya nerangka baka ni utai ke benung nyadi ngamatka jaku benabi ba Bup Kudus. Baka ke dipadah siku menyadi lelaki, artikel ba pun laman web nya “utai ti amat sesuai enggau chara nginjil kitai diatu.”

Tang artikel ke dipandangka suah berubah. Nyadi baka ni nuan ulih tetemuka artikel ke nadai agi dipandangka ba pun laman?

• Ba pun laman web jw.org, klik link “Peda Mayuh Agi” ke semak enggau begian atas laman nya. Link tu deka muka siti laman ke betajuk “Artikel ke Ayan ba Pun Laman Baru-Baru Tu.” Ba dia, nuan ulih tetemuka mayuh agi artikel ke baru aja diayanka ba pun laman.

• Ba jw.org tauka ba JW Library^®, tekan “Librari,” udah nya “Siri Artikel,” lalu “Topik Bukai.” Begian tu ngundan mayuh artikel ke udah dipandangka ba pun laman web jw.org.