Bacha Jeremiah 38:​1-13 ngambika ulih belajar pasal pemerani ari Jeremiah enggau Ebetmelek.

Peratika konteks iya. Nama kebuah Jeremiah patut berani lebuh nusui pesan ari Jehovah? (Jer. 27:​12-14; 28:​15-17; 37:​6-10) Nama reaksi orang ke ninga utai ti dipadah Jeremiah?—Jer. 37:​15, 16.

Mansik enggau silik agi. Orang mayuh deka Jeremiah ngereja nama? (jr-IN 26-27 ¶20-22) Gaga pansik pasal nama tuju telaga jeman kelia sereta baka ni gamal telaga nya suba. (it-2-IN 470) Nama asai ati Jeremiah lebuh iya ba dalam telaga nya, lalu majak tenggelam ba tanah luchak nya? Nama utai ke ulih ngasuh Ebetmelek takut?—w12-IN 1/5 31 ¶2-3.

Perundingka utai ti ulih dipelajarka nuan. Tanya diri empu:

• ‘Nama ulih dipelajarka aku ari cherita tu pasal chara Jehovah nyaga bala nembiak Iya ti setia?’ (Mas. 97:10; Jer. 39:​15-18)

• ‘Ni maya aku begunaka pemerani?’

• ‘Baka ni aku ulih berani agi ngereja utai ti betul taja pan ditekan?’ (w11-IN 1/3 30) a