Kena pagi Hari Tiga, 24 Januari 2018, bala menyadi ba Betel Amerika Serikat enggau Kanada gaga ati ninga berita manah pasal Menyadi Kenneth Cook, Jr. ke udah dipilih nyadi seiku ari Raban ti Ngiring Saksi-Saksi Jehovah.

Menyadi Cook ada lalu dibesaika ba Pennsylvania, U.S.A. Iya belajarka pemendar ari seiku nembiak lelaki ke sekelas enggau iya enda lama sebedau iya abis belajar ba sekula sekondari. Menyadi Cook dibaptisa kena 7 Jun 1980. Iya berengkah nyadi pengerintis biasa kena 1 September 1982. Dua taun udah nya, iya dikangauka gawa ba Betel di Wallkill, New York, kena 12 Oktober 1984.

Dalam timpuh 25 taun udah nya, Menyadi Cook bejalaika mayuh bengkah pengawa ba Opis Nyelak enggau ba Opis Betel. Ba taun 1996, iya jadi enggau bini iya, Jamie. Seduai iya gawa ba Betel di Wallkill. Kena Disember 2009, Menyadi Cook enggau bini iya dianjung ngagai Palan Belajar Menara Jaga ba Patterson, New York. Lebuh dia, Menyadi Cook gawa ba Opis Nulis enggau Nyaut Surat. Kena April 2016, seduai iya dianjung ngagai Brooklyn, New York pengudah pulai enda lama ke bengunan ba Wallkill. Lima bulan udah nya, seduai iya dianjung ngagai indu opis ba Warwick, New York. Kena Januari 2017, Menyadi Cook gawa nyadi penulung ba Opis Penulis ke Raban ti Ngiring.