Kitai ukai semina nyembah Jehovah lebuh begulai enggau orang bukai, baka ba gempuru, gempuru besai, sereta konvensyen. Tang, kitai mega nyembah Jehovah secara individu sereta ba diri sebilik. Tu bisi sekeda utai ke ulih dikena nuan lebuh belajarka Bup Kudus kediri empu tauka enggau diri sebilik:

• Besedia ke gempuru. Nuan mega ulih belatih nyanyi lagu kena gempuru sereta nulung diri sebilik nuan nyediaka komen.

• Bacha cherita dalam Bup Kudus. Udah nya, lukiska cherita nya tauka tuliska utai ke udah dipelajarka nuan.

• Bacha sampi ke bisi dalam Bup Kudus, lalu perundingka baka ni sampi nya ulih nulung nuan ngemanahka agi sampi nuan.

• Peda video ari jw.org, lalu berandauka nya enggau orang bukai tauka tuliska utai ke dipelajarka nuan ari video nya.

• Besedia ke pengawa nginjil. Nuan engka ulih ngaga sesi belatih.

• Peratika utai ke udah digaga Jehovah, lalu belematika tauka berandauka utai ti dipelajarka nuan pasal Jehovah ari utai ke udah digaga Iya. a