Enda seruran senang ingatka utai ti udah dipelajarka kitai. Tang kitai senang ingatka utai ti diajar Jesus laban iya suah ngena sempama. Kitai ulih ngambarka utai ti diajar Jesus lalu nya nulung kitai ingatka utai ti diajar iya. Baka nya mega, nuan ulih ingatka mayuh agi utai ke dipelajarka nuan enti nuan nguji ngambarka utai ti dibacha nuan. Baka ni nuan ulih ngereja nya? Nuan ulih ngelukis gambar pasal utai ti dipelajarka nuan.

Orang ke ngelukis gambar pasal utai ti baru ke dipelajarka sida, kesuah iya senang agi ingatka utai ti dipelajar nya. Ngelukis gambar ukai semina nulung sida meretika leka jaku tang mega poin ti penting ari utai ti dipelajarka sida. Lukisan ke digaga nya ukai lukisan ti tusah tang mudah. Bisi pansik ke madahka, ngelukis gambar ulih nulung orang ke tuai senang agi ingat utai ti dipelajarka sida.

Nyadi, lebuh nuan belajar ila, uji meh ngelukis sekeda utai ti dipelajarka nuan. Nuan engka tekenyit enggau pemayuh utai ti ulih diingat nuan.