Au, enti seduai iya begulai sepemanjai malam enggau nadai kebuah ti berat, tu nunjukka seduai iya ngereja ulah seks ti kamah. Nya alai, komiti pechara patut ditumbuhka.—1 Korint 6:18.

Bala tuai gempuru enggau bejimat berundingka tiap iti utai ke nyadi kena nentuka sekalika sida patut numbuhka komiti pechara tauka enda. Ambika chunto: Kati seduai iya benung besulu? Kati bala tuai gempuru kala ngelalau seduai iya pasal chara begulai enggau pangan diri? Nama kebuah seduai iya begulai kediri sepemanjai malam? Kati nya pelan seduai iya? Kati seduai iya bisi pilih ti bukai, tauka bisi utai nyadi ke enda ulih diseliahka, baka utai ti enda disadang tauka penusah ngenyit ke ngasuh seduai iya nadai pilih ti bukai kelimpah ari ke begulai enggau pangan diri sepemanjai malam? (Pengajar 9:11) Dini seduai iya bemalam? Tiap iti utai ke nyadi bebida, nya alai engka bisi pekara bukai mega ke patut diperundingka bala tuai gempuru sebedau ngaga pemutus.

Pengudah bala tuai gempuru beratika semua pekara, nya baru sida deka nentuka sekalika komiti pechara patut ditumbuhka tauka enda.