Jam ke dikena kitai belajarka Bup Kudus kediri empu bisi tatak. Baka ni kitai tau bulih penguntung ti pemadu mayuh ari awak ke dikena belajarka Bup Kudus kediri empu? Keterubah, kena meh chukup awak ngambika ulih macha. Nuan deka bulih mayuh agi penguntung enti nuan belajar enggau silik agi taja pan utai ke dipelajarka nuan mimit. Tang enti nuan berumban lebuh belajar, nuan nadai bulih mayuh penguntung taja pan utai ti dibacha nuan nya mayuh.

Udah nya, tentuka utai ti patut dipelajarka nuan dulu. (Eps. 5:15, 16) Peratika sekeda cadangan tu:

• Bacha Bup Kudus ninting hari. (Mas. 1:2) Kitai engka ulih berengkah enggau jadual macha Bup Kudus ninting minggu ke dikena ba gempuru tengan minggu.

• Besedia tumu agi ke artikel Menara Jaga ti deka dipelajar sereta ke gempuru tengan minggu. Besedia enggau manah ngambika nuan ulih meri saut maya gempuru.—Mas. 22:22.

• Uji mega macha sereta meda utai bukai ti ulih negapka pengarap kitai baka majalah Menara Jaga edisi ke orang mayuh, video, sereta utai bukai ke dikeluarka ba jw.org.

• Belajarka sesiti topik ti narit minat nuan. Nuan ulih mansik pasal penanggul ke ditapi nuan, tanya ke dikemisi nuan, tauka topik ari Bup Kudus ke deka dimeretika nuan enggau dalam agi.