Mayuh penginjil ngena JW Library^® kena nyediaka gempuru. Sida amat beterima kasih laban ulih ngiga enggau senang artikel ke dipelajar ba majalah Menara Jaga. Tang majalah Menara Jaga edisi dikena belajar kesuah iya nyengkaum artikel ke bukai ti mega ngembuan utai ti ulih negapka pengarap. Enti nuan ngena aplikasi JW Library, baka ni nuan ulih ngiga artikel tu lalu bulih penguntung ari nya?

• Ba ujung tiap iti artikel ke dikena belajar dalam majalah Menara Jaga, bisi siti anak tajuk “Additional Reading.” Ba baruh anak tajuk nya, tekan link “Other articles in this issue.” Peda ripih isi nya. Dia nuan ulih meda tajuk sereta lumur tiap iti artikel ke dikena belajar. Tekan meh artikel ke bukai ti deka dibacha nuan.

• Ba begian Home JW Library, nuan ulih download tiap iti majalah Menara Jaga ke baru dikeluarka. Iya deka diayanka ba begian “What’s New.” Pengudah nuan download majalah nya, buka meh iya lalu peratika ripih isi iya ngambika nuan ulih nentuka diri bulih penguntung ari semua artikel nya.