Dua Iku Raja ke Belaban ba Pengujung Dunya
Jaku ti benabi ba charta tu madah pasal utai ke nyadi ba maya ti sama. Semua utai nya nunjukka kitai benung idup ba “pengujung dunya.”—Dan. 12:4.
Ayat Bup Kudus Pem. 11:7; 12:13, 17; 13:1-8, 12
Jaku ti benabi “Jelu” udah merintah mensia ba dunya lebih ari 3,000 taun. Maya pengujung dunya, pala iya ti ketujuh bakal. Udah nya, pala nya gerai lalu “semua orang di dunya” nitihka jelu nya. Sitan ngena jelu nya nyerang menyadi Kristian ti dipilih ke serega ke agi tinggal ba dunya tu.
Dikeamatka Pengudah Bah Besai kelia, bala perintah ke ngelaban Jehovah merintah mensia ba dunya. Lebih ari 3,000 taun pengudah nya, siti ari perintah mensia ti kering ke dikumbai perintah Britain, lenyau kuasa maya Perang Dunya I. Tang iya kering baru lebuh iya begempung enggau Amerika Serikat. Maya pengujung dunya, Sitan ngena semua perintah dunya merinsaka nembiak Jehovah.
Ayat Bup Kudus Dan. 11:25-45
Jaku ti benabi Raja utara enggau raja selatan belaban enggau pangan diri.
Dikeamatka Jerman ngelaban Britain enggau Amerika Serikat. Ba taun 1945, Soviet Union enggau menua ke nyukung iya nyadi raja utara. Ba taun 1991, Soviet Union dialahka, lalu udah nya, Rusia enggau menua ke nyukung iya nyadi raja utara.
Ayat Bup Kudus Isa. 61:1; Mal. 3:1; Luk. 4:18
Jaku ti benabi Jehovah nganjung “seruan” Iya ngambika “nyendiaka jalai” sebedau Perintah Messiah ditumbuhka. Sida berengkah mai berita manah ngagai orang ke baruh ati.
Dikeamatka Kenyau ari taun 1870, Menyadi C. T. Russell enggau bala bakih iya bebendar belajarka Bup Kudus ngambika ulih nerangka ajar Bup Kudus. Ba taun 1880, sida nyau nemu nembiak Petara patut nginjil. Sida ngeluarka artikel baka “Wanted 1,000 Preachers” sereta “Anointed to Preach.”
Ayat Bup Kudus Mat. 13:24-30, 36-43
Jaku ti benabi Seiku munsuh nanam leka rumput ba madang gandum. Rumput nya tumbuh lalu ngelalaika gandum. Maya ngetau, rumput diseraraka ari gandum.
Dikeamatka Kenyau ari taun 1870, bida entara orang Kristian ti bendar enggau orang Kristian ti pelesu majak nyata dipeda. Maya pengujung dunya, orang Kristian ti bendar digempuru lalu diseraraka ari orang Kristian ti pelesu.
Ayat Bup Kudus Dan. 2:31-33, 41-43
Jaku ti benabi Kaki ke digaga ari besi enggau ari tanah liat nya enggi engkeramba besai ke digaga ari bemacham utai.
Dikeamatka Tanah liat ngambarka orang ke dipegai perintah Britain enggau Amerika Serikat ti ngelaban dua iti perintah nya. Ketegal nya, perintah Britain enggau Amerika Serikat enda ulih ngena kuasa enggau pengabis iya.
Ayat Bup Kudus Mat. 13:30; 24:14, 45; 28:19, 20
Jaku ti benabi “Gandum” digumpul lalu disimpan dalam “setor.” “Ulun ti tetap ati sereta bepenemu dalam” diasuh ngemataka “semua ulun ti bukai.” Pengawa nusui ‘Berita Manah pasal Perintah Petara’ berengkah dikerembaika ngagai “serata dunya.”
Dikeamatka Ba taun 1919, ulun ti tetap ati nya diasuh ngemataka nembiak Petara. Kenyau ari taun nya, nembiak Bup Kudus majak nginjil. Kemayaharitu, Saksi-Saksi Jehovah nginjil ba lebih ari 200 buah menua lalu ngeluarka litaricha Bup Kudus dalam lebih ari 1,000 leman bansa jaku.
Ayat Bup Kudus Dan. 12:11; Pem. 13:11, 14, 15
Jaku ti benabi Jelu ke bisi dua iti tanduk ngasuh orang ba dunya “ngaga siku anak patung neladan gamal jelu,” lalu iya “ngesuhka seput ke dalam anak patung jelu nya.”
Dikeamatka Britain enggau Amerika Serikat numbuhka Liga Bangsa-Bangsa. Liga nya disukung menua bukai. Ari taun 1926 ngagai 1933, raja utara mega enggau Liga Bangsa-Bangsa. Orang ngumbai Liga Bangsa-Bangsa tauka Pertubuhan Bangsa-Bangsa Bersatu ke nganti iya ulih mai pemaik. Tang ke amat nya, semina Perintah Petara aja ke ulih mai pemaik.
Ayat Bup Kudus Dan. 8:23, 24
Jaku ti benabi Seiku raja ke mangah gamal “balat ngerusak utai.”
Dikeamatka Britain enggau Amerika Serikat udah munuh mayuh orang lalu mai mayuh pengerusak. Ambika chunto, maya Perang Dunya II, Amerika Serikat muai dua igi bum atom kena nyerang munsuh seduai iya Britain. Bum tu balat agi mai pengerusak ari ke sebedau nya.
Ayat Bup Kudus Dan. 11:31, NWT; Pem. 17:3, 7-11
Jaku ti benabi “Jelu ti mirah-redam” ke bisi sepuluh iti tanduk pansut ari lubang ti amat dalam lalu nyadi raja kelapan. Bup Daniel ngumbai raja nya “Utai Ti Balat Jai ke mai pengerusak.”
Dikeamatka Liga Bangsa-Bangsa nadai agi maya Perang Dunya II. Pengudah perang nya, Pertubuhan Bangsa-Bangsa Bersatu ditumbuhka. Baka Liga Bangsa-Bangsa, iya mega dikumbai ulih mai pemaik ba dunya. Tang ke amat, semina Perintah Petara aja ulih ngereja nya. Pertubuhan Bangsa-Bangsa Bersatu deka nyerang semua jalai pengarap ba dunya.
Ayat Bup Kudus 1 Tes. 5:3; Pem. 17:16
Jaku ti benabi Bala perintah ba dunya deka nyebut “pemaik enggau likun,” lalu “sepuluh iti tanduk” enggau “jelu” deka nyerang “indu sundal” lalu ngemunaska iya. Pengudah nya, bala perintah nya deka dirusak.
Dikeamatka Bala perintah deka ngumbai diri udah mai pemaik sereta pengelikun ba dunya. Udah nya, sida nyukung Pertubuhan Bangsa-Bangsa Bersatu ngerusak gerempung pengarap pelesu. Tu kelai ke nunjukka Penusah ti besai deka berengkah. Penusah ti besai deka nadai agi lebuh Jesus ngemunaska utai ke bisi ba dunya ti dikuasa Sitan maya Armagedon.
Ayat Bup Kudus Esk. 38:11, 14-17; Mat. 24:31
Jaku ti benabi Gok nyerang menua nembiak Petara. Udah nya, bala melikat ngempuruka “semua orang ke udah dipilih” Petara.
Dikeamatka Raja utara enggau bala perintah ke bukai deka nyerang nembiak Petara. Enda lama pengudah serang tu nyadi, menyadi Kristian ti dipilih ke serega dibai ke serega magang.
Ayat Bup Kudus Esk. 38:18-23; Dan. 2:34, 35, 44, 45; Pem. 6:2; 16:14, 16; 17:14; 19:20
Jaku ti benabi “Orang ke nepan” “kuda ti burak” “menang” ngalahka Gok sereta bala soldadu iya. “Jelu” ‘dibuai ngagai danau api ti mau laban merirang,’ lalu sigi batu ngerusak engkeramba ti besai.
Dikeamatka Jesus, 144,000 iku ke sama merintah enggau iya, enggau bala melikat deka ngemunaska semua perintah ke nyerang nembiak Petara. Nya meh maya dunya ke dikuasa Sitan nadai agi.
