ARTIKEL DIPELAJAR 39
Peda! Mayuh Amat Orang
“Udah nya aku malik, lalu tepedaka mayuh amat orang, . . . bediri di mua kerusi diraja enggau di mua Anak Domba.”—PEM. 7:9.
LAGU 60 Selamatka meh Sida
DALAM ARTIKEL TU *
1. Baka ni pengidup rasul John ba ujung abad keterubah M.?
BA UJUNG abad ti keterubah M., pengidup rasul John balat tusah. Iya nyau tuai, dibuai ngagai pulau Patmos, lalu semina iya aja rasul ke agi idup. (Pem. 1:9) Iya nemu, orang ke limpang ari Jehovah deka nesat sereta mechah-belahka eklisia. Enda lama agi, orang Kristian ti bendar baka ke deka nadai agi.—Jud. 4; Pem. 2:15, 20; 3:1, 17.
Rasul John tepedaka mayuh amat orang ngena baju panjai ti burak lalu sida megai dan engkerema (Peda genteran 2)
2. Nitihka Pemandang 7:9-14, nama genera ti ngagitka ati ke diterima John? (Peda gambar ba kulit majalah.)
2 Lebuh John napi pengidup ti tusah, Petara meri iya siti genera pasal jemah ila. Ba genera nya, seiku melikat ngasuh empat iku melikat ke bukai nagang penusah ti besai ari nyadi, nyentuk ngagai semua sida ke dipilih ke serega digempuru magang. (Pem. 7:1-3) Penyampau sida ke dipilih nya 144,000 iku, lalu sida deka merintah enggau Jesus di serega. (Luk. 12:32; Pem. 7:4) Udah nya John nyebut pasal siti agi raban. Raban tu besai amat nyentukka iya madah: “Udah nya aku malik, lalu tepedaka mayuh amat orang, datai ke sida nyau enda ulih diitung. Sida nya datai ari genap bengkah bansa, ari semua raban bansa, menua, enggau jaku, lalu sida bediri di mua kerusi diraja enggau di mua Anak Domba.” (Bacha Pemandang 7:9-14.) John tentu gaga ati laban nemu jemah ila deka bisi mayuh orang nyembah Petara enggau chara ti ngena.
3. (a) Nama kebuah genera John ngeringka pengarap kitai? (b) Nama deka dipelajarka kitai ba artikel tu?
3 Kitai pechaya genera tu ngeringka pengarap John. Genera tu mega patut lebih agi ngeringka pengarap kitai laban kitai idup ba maya genera nya benung dikeamatka! Kemayaharitu, bejuta iku orang berengkah nyembah Jehovah lalu sida arapka diri ulih selamat ari penusah ti besai lalu idup belama iya ba dunya. Lebih ari 80 taun ti udah, Jehovah udah nulung nembiak
Iya ngelala sapa raban orang mayuh ba genera John. Ba artikel tu, kitai deka belajarka baka ni Jehovah ngereja nya. Nya alai kitai deka berandauka dua iti pekara pasal raban nya: (1) penyampau sida ti mayuh, lalu (2) sida datai ari mayuh pupu bansa. Dua iti pekara tu tentu ngeringka pengarap semua orang ke bisi ungkup enggau raban tu.DINI ALAI RABAN ORANG MAYUH DEKA DIAU?
4. (a) Nama pemendar ari Bup Kudus ke enda dimeretika raban gerija? (b) Tang, baka ni penemu Nembiak Bup Kudus pasal pekara nya bebida ari penemu sida?
4 Raban gerija enda ngajar pemendar pasal mensia ke deka diau belama iya ba dunya enti sida ngasika Petara. (2 Kor. 4:3, 4) Kemayaharitu, mayuh raban gerija ngajar, semua orang ke manah deka niki ke serega pengudah sida mati. Tang, seraban mit Nembiak Bup Kudus * ke ngeluarka majalah Watch Tower kenyau ari taun 1879, ngembuan penemu ti enda sama pasal ajar nya. Sida nemu Petara deka ngaga baru Paradais ba dunya, lalu bejuta iku orang ke ngasika Petara deka idup ba dunya, ukai ba serega. Taja pia, nyau kelama baru sida ulih nemu enggau terang sapa orang ke ngasi nya.—Mat. 6:10.
5. Nama penemu ke dikembuan Nembiak Bup Kudus pasal 144,000 iku orang ke deka merintah enggau Jesus di serega?
5 Ari Bup Kudus, Nembiak Bup Kudus mega nemu, seraban orang deka “ditebus ari dunya” ngambika merintah enggau Jesus di serega. (Pem. 14:3) Penyampau orang ba raban nya 144,000 iku. Sida orang Kristian ke ransing lalu udah nyerahka pengidup diri ngagai Petara Jehovah. Sida mega nyembah Iya enggau tetap ati lebuh ba dunya. Tang, nama penemu ari Bup Kudus pasal raban orang mayuh?
6. Nama penemu ke dikembuan Nembiak Bup Kudus pasal raban orang mayuh?
6 Dalam genera, John meda raban orang mayuh nya “bediri di mua kerusi diraja enggau di mua Anak Domba.” (Pem. 7:9) Ayat tu ngasuh Nembiak Bup Kudus ngumbai raban nya deka ke serega baka 144,000 iku orang. Enti kedua-dua raban nya bela diau ba serega, baka ni raban nya deka bebida ari pangan diri? Nembiak Bup Kudus ngumbai raban orang mayuh nya engka orang Kristian ke bedau ngasika Petara enggau pengabis ati lebuh sida ba dunya. Nembiak Bup Kudus mega ngumbai taja pan sekeda ari raban nya udah ngasika standard moral Bup Kudus, tang sida agi nyadi raban ba gerija. Ketegal tu, raban orang mayuh nya enda ulih merintah enggau Jesus. Nya alai maya ba serega raban nya semina bediri di mua kerusi diraja, ukai duduk ba kerusi diraja.
7. (a) Nitihka penemu Nembiak Bup Kudus, sapa ke deka diau ba dunya dalam timpuh Seribu Taun Kristus Merintah? (b) Nama penemu Nembiak Bup Kudus pasal sida ke deka “merintah semua dunya”?
7 Enti pia, sapa ke deka diau ba dunya deh? Nembiak Bup Kudus pechaya pengudah 144,000 iku orang enggau raban orang mayuh niki ke serega, bisi siti agi raban ke bejuta iku orang ke bukai ti deka idup ba dunya. Sida tu deka nerima berekat dalam timpuh Seribu Taun Kristus merintah. Nembiak Bup Kudus ngumbai raban tu enda nyembah Jehovah sebedau Kristus berengkah merintah. Tang raban tu deka diajar pasal Jehovah maya Kristus merintah. Pengudah seribu taun nya, sida ke nerima standard Jehovah deka idup belama iya ba dunya, tang sida ke ngelaban deka dirusak. Nembiak Bup Kudus mega ngumbai sekeda orang deka “merintah semua dunya” maya Seribu Taun Kristus Merintah. Sida tu deka nyengkaum sekeda bala lelaki ti tetap ati ke udah mati sebedau Kristus Mas. 45:16.
ada, tang diangkatka idup baru maya Seribu Taun nya. Lalu ba pengujung Seribu Taun, sida ke “merintah semua dunya” tu mega deka niki ke serega.—8. Nitihka penemu Nembiak Bup Kudus, nama tiga iti raban ke bisi kaul enggau tuju Petara?
8 Nya alai, Nembiak Bup Kudus ngumbai bisi tiga iti raban: (1) 144,000 iku orang ke deka merintah enggau Jesus ba serega; (2) raban orang mayuh Kristian ke kurang ransing. Sida ke serega tang enda enggau Jesus merintah; lalu (3) bejuta iku orang ke deka diajar pasal standard Jehovah ba dunya, maya Seribu Taun Kristus Merintah. * Taja pan bala Nembiak Bup Kudus ngembuan penemu ke baka tu, tang ba maya ti ngena pengudah nya, Jehovah deka nulung sida meretika pekara nya enggau terang agi.—J-lam. 4:18.
PEMENDAR MAJAK TERANG
Ba konvensyen taun 1935, mayuh orang ke ngembuan pengadang idup ba dunya dibaptisa (Peda genteran 9)
9. (a) Baka ni chara raban orang mayuh ba dunya ulih bediri “di mua kerusi diraja enggau di mua Anak Domba”? (b) Nama kebuah penemu nya nulung kitai meretika Pemandang 7:9 enggau ngena agi?
9 Ba taun 1935, Saksi-Saksi Jehovah nyau ngelala sapa raban orang mayuh dalam genera John. Kebendar iya, raban nya enda ibuh ke serega enti deka bediri “di mua kerusi diraja enggau di mua Anak Domba.” Tang, sida ngereja nya ba dunya enggau chara ngaku hak Jehovah merintah sereta nunduk ngagai kuasa Iya merintah. (Isa. 66:1) Sida ulih dikumbai bediri “di mua Anak Domba” laban sida arapka genselan tebus Jesus. Bisi siti agi ayat ba Bup Kudus ke ulih nulung kitai meretika Pemandang 7:9. Ba Matthew 25:31, 32, “semua bansa” nyengkaum orang ke jai “deka digempuruka di mua” Jesus ke duduk ba kerusi diraja. Tu enggau terang nunjukka semua bansa nya ba dunya, ukai ba serega. Penemu ti baru tu ngena agi. Nya alai, Bup Kudus nadai kala madahka raban orang mayuh nya dibai ke serega. Semina siti raban aja ke bulih pengidup ti meruan belama iya ba serega, iya nya 144,000 iku orang ke deka merintah atas dunya enggau Jesus.—Pem. 5:10.
10. Nama kebuah raban orang mayuh patut belajar pasal Jehovah sebedau Seribu Taun Kristus Merintah?
10 Kenyau ari taun 1935, Saksi-Saksi Jehovah nyau nemu raban orang mayuh nya seraban orang Kristian ti taluk ke bisi pengadang idup belama iya ba dunya. Ngambika ulih selamat maya penusah ti besai, sida patut belajar pasal Jehovah lalu nyembah Iya sebedau Seribu Taun nya berengkah. Sida patut ngayanka pengarap ti tegap ngambika ulih “rari ari semua utai ti deka nyadi” sebedau Seribu Taun Kristus Merintah.—Luk. 21:34-36.
11. Nama kebuah sekeda Nembiak Bup Kudus ngumbai sekeda orang engka deka ke serega ba pengujung Seribu Taun Kristus Merintah?
11 Baka ni enggau penemu pasal sekeda orang Kristian ti tetap ati ba dunya, ke deka niki ke serega ba pengujung Seribu Taun Kristus Merintah? Penemu nya bisi dipadah ba majalah The Watch Tower kena 15 Februari 1913. Ketegal penemu nya orang engka berunding, ‘Nama kebuah sekeda nembiak Jehovah ke tetap ati ari jeman kelia semina ulih diau ba dunya, tang orang Kristian ke enda tentu tetap ati ulih niki ke serega?’ Endang amat, orang bisi runding ke baka tu laban dua iti pekara ti salah: (1) ngumbai raban orang mayuh deka diau ba serega, lalu (2) ngumbai raban nya orang Kristian ti enda tentu tetap ati.
12-13. Nama ditemu orang ke dipilih niki ke serega enggau raban orang mayuh pasal berekat sida?
12 Taja pia, baka ke udah ditemu kitai, kenyau ari taun 1935, Saksi-Saksi Jehovah udah enggau terang nemu orang ke selamat maya Armagedon nya raban orang mayuh ba genera Pem. 7:10, 14) Saksi-Saksi Jehovah mega nyau nemu bala lelaki ti tetap ati ke mati sebedau Kristus ada tang diangkatka idup baru maya Seribu Taun, enda niki ke serega. Indah ayat Bup Kudus madahka orang ke diidupka baru ti niki ke serega deka bisi “utai ti badas agi” enti dibandingka enggau utai ke diterima bala lelaki ti tetap ati nya. (Heb. 11:40) Nya alai, bala menyadi Kristian kitai berengkah madah pasal peluang idup belama iya ba dunya lebuh mai orang nyembah Jehovah.
John. Sida deka “pansut ari penusah ti besai” ba dunya tu, lalu deka “ngangau enggau nyawa ti inggar, ‘Pengelepas endang datai ari Petara kitai ke duduk ba kerusi diraja, enggau ari Anak Domba!’” (13 Raban orang mayuh gaga ati enggau pengadang nya. Sida nemu Jehovah ke nentuka alai nembiak Iya deka nyembah Iya, enda ngira ba serega tauka ba dunya. Orang ke dipilih niki ke serega enggau raban orang mayuh nemu, berekat ke diterima sida nya ketegal pengasih ari Jehovah nengah genselan tebus Jesus Kristus.—Rom. 3:24.
PENYAMPAU SIDA TI MAYUH
14. Pengudah taun 1935, nama kebuah mayuh orang deka nemu pasal baka ni genera bekaul enggau raban orang mayuh deka dikeamatka?
14 Pengudah penemu nembiak Jehovah diaduka baru ba taun 1935, mayuh orang deka nemu baka ni penyampau orang ke ngembuan pengadang diau ba dunya ulih majak nambah. Ambika chunto, lebuh Ronald Parkin beumur 12 taun, penemu pasal raban orang mayuh nya udah ditemu. Ku iya ngenang: “Maya nya bisi kira-kira 56,000 iku penginjil di serata dunya lalu mayuh ari sida nya orang ti dipilih niki ke serega. Nya alai, mimit aja orang ba raban orang mayuh.”
15. Baka ni pengawa ngempuruka raban orang mayuh majak dipejalaika?
15 Taja pia betaun-taun udah nya, bala pengerintis seberai tasik dianjung ngagai mayuh menua, lalu penyampau Saksi-Saksi Jehovah majak nambah. Udah nya, ba taun 1968, pengawa belajarka Bup Kudus ngena bup The Truth That Leads to Eternal Life berengkah diatur. Pemendar ari Bup Kudus ke diterangka enggau chara ti mudah udah narit mayuh orang ngagai Jehovah ari ke udah. Dalam kandang empat taun, lebih ari setengah juta murid ke baru dibaptisa. Kuasa Gerija Katolik ba Amerika Latin enggau ba menua bukai nyau majak kurang, lalu pengawa kitai ba Eropah Timur enggau sekeda endur ba Afrika nyau enda ditagang agi. Asil iya, bejuta iku orang mega dibaptisa. (Isa. 60:22) Empai lama ti udah, gerempung Jehovah udah nyediaka mayuh perengka ti ulih mujur dikena nulung orang nemu utai ti diajar Bup Kudus. Diatu penyampau raban orang mayuh ke lebih ari lapan juta iku orang, udah digempuruka.
SIDA DATAI ARI MAYUH PUPU BANSA
16. Ari ni penatai raban orang mayuh ke benung digempuruka?
16 Lebuh John nulis pasal genera ke diterima iya, iya madahka raban orang mayuh nya datai ari “genap bengkah bansa, ari semua raban bansa, menua, enggau jaku.” Nabi Sekariah kala madahka utai ti sama. Ku iya nulis: “Lebuh maya nya ila, sepuluh iku orang ari bansa bukai deka mansang ngagai siku orang Judah lalu bejaku, ‘Kami ingin deka enggau kita, laban kami udah ninga Petara bisi enggau kita.’”—Sek. 8:23.
17. Nama pengawa ke benung digaga kena nulung orang ari semua bansa?
17 Saksi-Saksi Jehovah nemu, enti orang ari semua bansa deka digempuruka, berita manah enda tau enda ditusui dalam mayuh bansa jaku. Lebih ari 130 taun kitai udah nyalin perengka dikena belajarka Bup Kudus. Tang diatu, kitai ngaga pengawa nyalin ti pemadu mayuh dalam lebih ari 900 bengkah bansa Mat. 24:14; Jhn. 13:35.
jaku. Endang amat, kemayaharitu Jehovah benung ngempuruka mayuh orang ari semua bansa. Ketegal Bup Kudus enggau litaricha ti bepelasarka Bup Kudus bisi dalam mayuh bengkah bansa jaku, raban orang mayuh ke datai ari mayuh pupu bansa nya beserakup nyembah Jehovah. Lalu sida dikelala ketegal pengeransing sida nginjil sereta pengerindu ke semua bala menyadi Kristian sida. Endaka tu ngeringka pengarap kitai?—NAMA RETI GENERA NYA BA KITAI?
18. (a) Nitihka Isaiah 46:10, 11, nama kebuah kitai enda tekenyit enti Jehovah udah ngamatka genera bekaul enggau raban orang mayuh? (b) Nama kebuah orang ke bisi pengadang diau ba dunya enda ngasaika diri disiping?
18 Kitai amat gagit ati enggau genera pasal raban orang mayuh! Kitai enda tekenyit enti Jehovah udah ngamatka genera nya enggau chara ti ngalitka ati. (Bacha Isaiah 46:10, 11.) Sida ari raban orang mayuh beterima kasih ke pengadang ti diberi Jehovah ngagai sida. Sida enda ngasaika diri disiping ketegal enda dipilih merintah enggau Jesus ba serega. Ba Bup Kudus, kitai macha pasal sida ke lelaki enggau ke indu ti tetap ati ke diiring roh kudus; tang sida ukai sebagi ari 144,000 iku orang ke dipilih merintah ba serega. Ambika chunto, John Pemaptisa enggau David. (Mat. 11:11; SKR. 2:34) Seduai iya enggau sida ke bukai deka diangkatka idup baru ba dunya paradais. Semua sida tu deka begulai enggau raban orang mayuh lalu sida deka bisi peluang nunjukka penaluk ngagai Jehovah sereta nyukung Perintah Iya.
19. Nama patut digaga kitai enggau lengkas enti kitai udah meretika genera John ke bekaul enggau raban orang mayuh?
19 Tu keterubah iya Petara Jehovah ngempuruka bejuta iku orang ari semua bansa ngambika ulih nyembah Iya. Enda ngira pengadang kitai nya idup ba serega tauka diau ba dunya, kitai patut enggau naka ulih nulung mayuh orang nyadi sebagi ari raban orang mayuh tauka dikumbai “bedus ti bukai.” (Jhn. 10:16) Enda lama agi, Jehovah deka ngenataika penusah ti besai ke deka ngerusak perintah mensia sereta jalai pengarap ti udah merinsaka mensia. Pengudah nya, semua orang ba raban orang mayuh deka bulih peluang nyembah Jehovah ba dunya belama iya.—Pem. 7:14.
LAGU 139 Gambarka Nuan ba Dunya Baru
^ per. 5 Artikel tu deka berandau pasal genera John bekaul enggau pengawa ngempuruka raban orang mayuh. Tu tentu deka ngeringka pengarap semua orang ke bisi ungkup ba pengadang ti badas tu.
^ per. 4 Suba Saksi-Saksi Jehovah dikangau ngena nama tu.
^ per. 8 Peda Saksi-Saksi Jehovah—Pemberita Kerajaan Allah, dalam jaku Indonesia, lamb. 159-163.