Bala apai indai bisi tanggungjawap ti besai kena ngajar bala anak sida pasal Jehovah. (Eps. 6:4) Kena nulung bala apai indai, gerempung Jehovah udah nyediaka mayuh artikel, video, enggau lagu. Baka ni nuan ulih ngena semua utai tu ngelatih bala anak nuan?

• Giga meh utai ke bisi ba JW.ORG. Ba JW.ORG, nuan ulih tetemuka semua utai ke digaga ke bala anak, baka video enggau keretas kereja ke ulih dikena sida nulis tauka ngelukis. a Kena ngiga utai tu, taip “Anak Mit” tauka “Bala Nembiak” dalam kutak giga.

• Pilih meh utai ti sesuai ke anak nuan. Ba baruh begian “Anak Mit,” nuan ulih milih video, lagu, tauka utai bukai ke sesuai enggau anak nuan. Kena ngiga utai tu, taip “Projek Belajarka Bup Kudus ba Diri Sebilik” ba kutak giga.

• Kena meh awak berandauka utai tu enggau bala anak nuan. Kekadang, bala anak engka meda video tauka ngereja aktiviti ke bisi ba laman web kitai kediri. Taja pia, bala apai indai mega patut ngena awak ngajar, ngelatih sereta berandau enggau bala anak sida pasal utai nya, lalu nulung bala anak ngembuan kaul ti rapat enggau Jehovah.