Dosa kitai semina ulih diampun nengah genselan tebus Jesus ke dibayar ngena darah iya. (Eps. 1:7) Tang Bup Kudus madah: “[Petara] ukai semina sabar ngampunka penyalah ke udah dikereja kelia menya,” iya nya, sebedau Jesus meri genselan tebus. (Rom. 3:25) Baka ni Jehovah ulih ngampunka dosa sebedau genselan tebus nya dibayar lalu agi dikumbai Petara ti adil?

Ba Jehovah, tebus nya baka ke udah dibayar kenyau ari maya Iya ngaga pemutus deka nyediaka “peturun” ke deka nyelamatka mensia ti arap. (P-kal. 3:15; 22:18) Petara amat andal, ba maya ti ditetapka Iya, Anak Iya deka enggau ati ti rela nyediaka tebus. (Gal. 4:4; Heb. 10:​7-10) Maya Jesus ba dunya, Jehovah meri iya kuasa ngampunka dosa sebedau genselan tebus nya diberi. Jesus ulih ngampunka dosa mensia ti arap laban iya nemu genselan tebus ke deka diberi iya ulih nutup dosa sida.​—Mat. 9:​2-6.