Bacha Pemungkal 37:​23-28; 39:​17-23 kena belajar pasal pengalaman Josep ke tan natka ulah ti enda adil.

Peratika konteks iya. Nama kebuah orang bukai ngelayan Josep enggau enda adil? (P-kal. 37:​3-11; 39:​1, 6-10) Berapa lama Josep patut tan natka ulah ti enda adil? (P-kal. 37:2; 41:46) Ba maya nya, nama utai ke digaga Jehovah ke Josep, lalu nama utai ke enda digaga Iya?—P-kal. 39:​2, 21; w23.01 17 ¶13.

Mansik enggau silik agi. Taja pan utai ke dipadah bini Potipar pasal Josep nya enda betul, tang Bup Kudus nadai madahka Josep nuduh utai ku bini Potipar nya bula. Baka ni ayat Bup Kudus ba baruh tu nulung kitai nemu kebuah Josep enda ngetanka diri tauka kebuah kitai enda patut ngarapka semua penerang ditulis enggau silik? (J-lam. 20:2; Jhn. 21:25; SKR. 21:37) Nama sifat ke engka udah nulung Josep tan natka ulah ti enda adil?—Mik. 7:7; Luk. 14:11; Jas. 1:​2, 3.

Perundingka utai ti ulih dipelajarka nuan. Tanya diri empu:

• ‘Ketegal aku murid Jesus, nama ulah ti enda adil ke deka ditapi aku?’ (Luk. 21:​12, 16, 17; Heb. 10:​33, 34)

• ‘Nama ulih digaga aku diatu kena nyediaka diri ngambika ulih napi ulah ti enda adil enggau mujur?’ (Mas. 62:​7, 8; 105:​17-19; w19.07 2-7)