Tanya Ari Pemacha
Kati IUD (intrauterine device), sebengkah perengka ke dikena nyaga diri ngambika enda beranak tau dikena orang Kristian?
Bekaul enggau pekara tu, laki bini ke Kristian patut ngaga pemutus ke nulung seduai iya ngembuan ati ti beresi. Ngambika ulih ngaga pemutus, seduai iya enda tau enda bejimat beratika baka ni IUD bekereja sereta ni bagi prinsip Bup Kudus ke bekaul.
Jehovah ngasuh Adam seduai Hawa, lalu udah nya, Noah enggau sida sebilik: “Beranak betelesak.” (Pemungkal 1:28; 9:1) Bup Kudus nadai madahka orang Kristian patut nitihka pesan tu. Nya alai, laki bini enda tau enda mutuska sekalika seduai iya deka ngena sesebengkah ubat tauka utai ngambika enda beranak kena nyekat pemesai ruang bilik seduai iya tauka kena nentuka kemaya deka ngembuan anak. Nama utai ke patut diperatika seduai iya?
Sebarang pemutus ke digaga orang Kristian senentang perengka ke dikena nyaga diri ngambika enda beranak patut bepelasarka Bup Kudus. Nya meh kebuah sida enda bebuai anak nyadika chara kena nagang diri beranak. Bebuai anak enggau sengaja kena muai kandung, enti diteruska, kesuah iya tau ngujungka anak diadaka. Pengawa bebuai anak ngelanggar pesan Bup Kudus ti ngasuh bebasaka nyawa. (Pemansut 20:13; 21:22, 23; Masmur 139:16; Jeremiah 1:5) Baka ni enti ngena IUD?
The Watchtower kena 15 Mei 1979 (lambar 30-31), bisi mansik senentang utai nya. Mayuh IUD ke suah dikena maya nya perengka pelastik ke ditepu dalam sarang anak ngambika enda ngandung. Artikel tu madahka, chara IUD tu bekereja bedau entu ulih ditemu. Mayuh bala saintis madahka, IUD nagang sperma datai lalu ngidupka telu orang indu. Enti telu enda ulih diidupka, pengidup ti baru enda ulih nyadi.
Taja pia, bisi sekeda bukti nunjukka telu kekadang ulih diidupka. Telu ti baru diidupka engka nyadi dalam tali sarang anak tauka engka mindah ngagai sarang anak. Enti telu ti baru diidupka datai ba sarang anak, IUD ulih nagang iya lekat ba dinding sarang anak, lalu kandung nya enda nyadi. Tu baka ke bebuai anak. Artikel nya nyimpulka: “Orang Kristian ke deka ngena IUD patut bejimat mansik penerang pasal utai nya beduduk ba ajar ari Bup Kudus ke ngasuh bebasaka nyawa ti kudus.”—Masmur 36:9.
Tang kenyau taun 1979, lebuh artikel nya dikeluarka, endang udah bisi mayuh pemansang ba bidang perubat sereta sains.
Bisi dua bengkah da agi IUD diatu. Sebengkah nya ngembuan temaga lalu bisi ba mayuh endur di Amerika Serikat ba taun 1988. Sebengkah agi ngeluarka hormon lalu berengkah dijual ba taun 2001. Nama patut ditemu kitai senentang baka ni chara dua bengkah IUD tu bekereja?
Temaga: Baka ke udah dipadah, IUD ngasuh sperma tusah deka datai ngagai telu lebuh nengah sarang anak. Kelimpah ari nya, IUD ke bisi temaga nya berachun, lalu rachun nya ulih munuh sperma. * (Peda nota kaki.) Pia mega, IUD ngubah dinding sarang anak.
Hormon: Sebengkah IUD ke ngundan hormon ti sebaka enggau iya ke bisi dalam ubat pil ke dikena nagang diri beranak. Chara IUD tu bekereja sama enggau iya ti lama, tang sida mega ngeluarka hormon dalam * (Peda nota kaki.) Nambahka nya, IUD mega ngasuh lendir ba pintu sarang anak likat, lalu nya nagang sperma tama ari “utai” orang indu ngagai sarang anak.
sarang anak. Ba sekeda orang ke indu, tu nagang sida ngeluarka telu. Amat, enti telu enda dikeluarka, iya enda ulih diidupka. IUD tu mega ngasuh dinding sarang anak mipau.Baka ke udah dipadah, kedua-dua bengkah IUD nya ulih ngubah dinding sarang anak. Reti nya, enti orang indu ngeluarka telu lalu telu nya diidupka, telu nya ulih tama ngagai sarang anak tang enda ulih lekat ba dinding sarang anak. Lalu kandung nya enda nyadi. Taja pia, bala saintis pechaya tu jarang amat nyadi, lalu pia mega enggau ubat pil ke dikena nagang diri beranak.
Nya alai, nadai orang nemu enggau nyemetak sekalika temaga tauka hormon ba IUD ulih nagang telu ari diidupka. Taja pia, baka ke udah diterangka ba atas, pansik ari bala saintis nunjukka, ketegal chara IUD nya bekereja kena nagang telu ari diidupka, nya alai IUD suah agi nagang orang indu ari ngandung.
Laki bini ke Kristian ti deka ngena IUD tau berandauka pekara tu enggau lutur sida. Lutur ulih madahka bansa IUD ke bisi di menua sida nyengkaum pemanah sereta penusah ke ulih nyadi ba bini ketegal utai nya. Laki bini enda patut ngarapka tauka ngemendarka sapa-sapa, nyengkaum lutur, nentuka utai ke deka digaga seduai iya. (Rome 14:12; Galatia 6:4, 5) Tu pemutus ke patut digaga seduai iya empu. Juluk ati seduai iya patut ngelantangka ati Petara sereta ngembuan ati ti beresi.—Banding 1 Timoti 1:18, 19; 2 Timoti 1:3.
^ per. 8 Siti lalau ari England’s National Health Service madahka: “IUD ke bisi mayuh agi temaga deka lebih ari 99% bisa agi. Reti nya kurang ari seiku dalam 100 iku orang ke indu ti ngena IUD deka ngandung dalam setaun. IUD ke kurang temaga deka kurang agi bisa.”
^ per. 9 Ketegal hormon IUD ngasuh dinding sarang anak mipau, sida lutur kekadang meri ubat tu kena nagang orang indu ke udah belaki sereta ke bedau belaki enda balat datai kain.