Apai Indai—Tulung Meh Anak Nuan “Ngulihka Pengelepas”
“Kenyau ari nuan agi mit, endang udah nemu Bup Kudus ulih ngajar nuan ngulihka pengelepas.”—2 TIM. 3:15.
1, 2. Nama kebuah apai indai engka irau lebuh anak sida deka nyerahka diri empu ngagai Jehovah lalu dibaptisa?
BERIBU iku pemelajar Bup Kudus nyerahka diri empu ngagai Jehovah lalu dibaptisa. Mayuh ari sida nya orang ke nembiak ti udah dibesaika dalam pemendar sereta udah milih jalai pengidup ti pemadu manah. (Mas. 1:1-3) Enti nuan nya apai indai ke Kristian, nuan tentu nganti hari maya anak nuan dibaptisa.—Banding 3 John 4.
2 Taja pia, nuan engka irau. Nuan bisi meda sekeda orang ke nembiak dibaptisa tang udah nya sida berengkah kakang ati sekalika idup sejalai enggau standard Petara nya amat manah ke sida. Sekeda sida indah udah ninggalka pemendar. Nya alai nuan engka irau enti anak nuan berengkah deka nyembah Jehovah, tang udah nya iya berubah lalu lenyau pengerindu ke pemendar ti kala dikembuan iya. Anak nuan engka nyau baka sekeda orang Kristian di Epesus ba abad keterubah. Ku Jesus madah pasal sida: “Nuan udah ngelengkaka pengerindu nuan Pem. 2:4) Baka ni nuan ulih nulung anak nuan ngetanka pengerindu iya ti teguh sereta “mansang dalam pengelepas”? (1 Pet. 2:2) Kitai ulih belajar ari chunto Timoti.
ti keterubah.” (“NUAN . . . UDAH NEMU BUP KUDUS”
3. (a) Baka ni Timoti berengkah nyadi orang Kristian, lalu nama digaga iya pengudah iya bulih penemu? (b) Nama tiga bengkah chara belajar ti dikemeratka Paul ngagai Timoti?
3 Terubah iya rasul Paul ngelawa Listra nya ba taun 47. Maya nya Timoti ke engka beumur bebelas taun, belajarka ajar ari Jesus. Timoti nitihka utai ti dipelajarka iya, lalu dua taun udah nya iya berengkah bejalai jauh enggau Paul. Kira-kira 16 taun udah nya, Paul nulis surat ngagai Timoti: “Nuan enda tau enda majak bepegai ba utai ti udah dipelajar sereta dikarapka nuan laban nuan nemu sapa ke udah ngajar nuan utai nya, lalu nuan, kenyau ari nuan agi mit, endang udah nemu Bup Kudus [Bup Kudus Jaku Hebrew] ulih ngajar nuan ngulihka pengelepas ulih pengarap ke Jesus Kristus.” (2 Tim. 3:14, 15) Peratika, Paul madahka Timoti (1) nemu Bup Kudus, (2) arapka utai ti udah dipelajarka iya, (3) ngulihka pengelepas ketegal arapka Jesus Kristus.
Indah sida ke agi mit ulih belajar pasal orang sereta pekara ke bisi dalam Bup Kudus
4. Nama dikena nuan ngajar anak nuan ke agi biak? (Peda gambar ba pun artikel.)
4 Ketegal nyadi apai indai ke Kristian, nuan dekaka anak nuan nemu Bup Kudus, ke nyengkaum Bup Kudus jaku Hebrew enggau Bup Kudus Kristian jaku Gerika kemayaharitu. Indah sida ke agi mit ulih belajar pasal orang sereta pekara ke bisi dalam Bup Kudus. Gerempung Jehovah udah nyediaka mayuh bup, brosur, enggau video ke ulih dikena apai indai nulung anak sida. Ni bagi utai tu ke bisi dalam jaku nuan? Anak nuan patut nemu utai ke bisi dalam Bup Kudus ngambika ulih ngemansangka kaul ti tegap enggau Jehovah.
‘BEPEGAI BA UTAI TI UDAH DIKARAPKA’
5. (a) Nama reti ‘bepegai ba utai ti udah dikarapka’? (b) Baka ni kitai nemu Timoti arapka berita manah pasal Jesus?
5 Enda chukup semina ngajar anak pasal orang enggau pekara ke bisi dalam Bup Kudus. Kingatka, Timoti mega ‘bepegai ba utai ti udah dikarapka.’ Timoti nemu Bup Kudus “kenyau ari . . . agi mit,” iya nya, kenyau ari iya agi biak. Udah nya, iya arapka Jesus nya endang Messiah. Pengarap Timoti amat tegap, nya alai iya deka dibaptisa lalu gawa enggau Paul nyadi pengerintis seberai tasik.
6. Baka ni nuan ulih nulung anak nuan ngemansangka pengarap ba Jaku Petara?
6 Baka ni nuan ulih nulung anak nuan ngemansangka pengarap baka Timoti, ngambika sida mega deka ‘bepegai ba utai ti udah dikarapka’? Keterubah, sabar. Ngemansangka pengarap ngambika tegap begunaka awak. Lalu enti sema nuan arapka siti-siti utai ukai reti anak nuan mega deka arapka utai nya. Tiap iku anak patut ngena penau iya “ngelala bida entara Hebrew 5:14.) Ketegal nyadi apai indai, nuan ulih ngereja mayuh utai kena nulung anak nuan ngeringka pengarap sida, kelebih agi lebuh sida bisi tanya. Aram kitai meda utai ke ulih dipelajarka kitai ari chunto seiku apai.
utai ti badas enggau utai ti jai” kena ngemansangka pengarap ba Bup Kudus. (Bacha7, 8. (a) Baka ni seiku apai ke Kristian ngayanka diri bisi ati ti liat lebuh ngajar anak indu iya? (b) Ni maya nuan patut liat ati enggau anak nuan?
7 Thomas, ke bisi anak indu beumur 11 taun, madahka anak indu iya kekadang nanya iya sekeda tanya baka: “Kati bisi Jehovah ngena evolusi ngemunka utai idup ba bumi?” tauka “Nama kebuah kitai nadai enggau pengawa ke digaga orang, ambika chunto baka ngundi, kena nguji ngemanahka utai?” Kekadang, Thomas patut nagang diri ari semina madah ngagai anak iya utai ti patut dikearapka. Thomas nemu, utai ke ngasuh orang arapka pemendar nya ukai datai ari siti fakta ti besai tang datai ari mayuh bukti ti mit.
8 Thomas mega nemu, iya begunaka ati ti liat ngambika ulih ngajar anak indu iya. Kebendar, semua orang Kristian patut liat ati. (Kol. 3:12) Thomas nemu, kena nulung anak iya mansang ba utai ti dikearapka iya, nya begunaka awak lalu seduai iya patut suah berandau. Iya patut nerangka ngagai anak iya pasal utai ti dipelajarka anak iya ari Bup Kudus. Thomas madahka: “Kelebih agi ba pekara ke berat agi, aku enggau bini aku deka nemu sekalika anak indu kami amat arapka utai ti dipelajarka iya lalu sekalika utai nya ulih diterima iya. Enti iya bisi tanya, nya manah. Kebendar, aku irau enti iya nadai nanya nama-nama utai lebuh iya arapka siti-siti utai.”
Nuan patut liat ati enti deka nulung anak nuan ngemansangka pengarap ba Jaku Petara
9. Baka ni nuan ulih nulung anak nuan arapka Jaku Petara?
9 Lebuh apai indai ngajar enggau ati ti liat, anak sida deka belubah-lubah berengkah “nemu pemesai, pemanjai, peninggi enggau penalam” pengarap. (Eps. 3:18) Kitai ulih ngajar sida ngena chara ti patut nitihka umur sereta pemereti ati sida. Lebuh pengarap sida ba utai ti dipelajarka sida majak teguh, sida deka senang agi ngetanka utai ti dipechaya sida ngagai orang bukai, nyengkaum nembiak ke sama sekula enggau sida. (1 Pet. 3:15) Ambika chunto, ulih anak nuan ngena Bup Kudus nerangka utai ke nyadi lebuh orang mati? Kati sida arapka utai ti diterangka ngena Bup Kudus? * (Peda nota kaki.) Kingatka, taja pan enda senang, tang enti nuan liat ati nulung anak nuan ngemansangka pengarap ba Jaku Petara, nuan deka bulih asil ti manah.—U-dat. 6:6, 7.
Teladan nuan empu mega beguna kena nulung anak nuan ngemansangka pengarap
10. Nama utai ke beguna kena ngemansangka pengarap anak nuan?
10 Amat, teladan nuan empu mega beguna kena nulung anak nuan ngemansangka
pengarap. Stephanie, seiku indai ke bisi tiga iku anak indu, madahka: “Kenyau ari anak aku agi mit, aku patut nanya diri empu. ‘Kati aku bisi berandau enggau anak aku pasal kebuah aku arapka Jehovah nya endang bisi, pengerindu Iya, sereta jalai Iya ti lurus? Ulih anak aku beratika aku amat rinduka Jehovah?’ Aku enda ulih ngumbai anak aku arap enti aku empu enda arap.”“NGULIHKA PENGELEPAS”
11, 12. Nama reti penemu-dalam, lalu baka ni kitai nemu penemu-dalam ukai bepanggai ba penuai umur?
11 Kitai udah belajar, Timoti bisi (1) penemu pasal Bup Kudus sereta (2) arapka utai ti dipechaya iya. Tang nama reti utai ku Paul lebuh iya madahka Bup Kudus ulih nulung Timoti “ngulihka pengelepas”?
12 Bup Pemahaman Alkitab, Jilid 2, nerangka, dalam Bup Kudus penemu-dalam nyengkaum “penau ngena penemu sereta pemereti ati enggau mujur kena mutarka penanggul, nyeliahka utai ti tau nganu, ngulihka sekeda juluk ati, tauka ngelalau orang bukai ba pekara nya. Penemu-dalam belaban reti enggau pemeli.” Bup Kudus madahka: “Anak mit endang selalu ngereja utai ti beli, sereta enda berunding.” (J-lam. 22:15) Ketegal penemu-dalam nya belaban reti enggau pemeli, penemu-dalam nya siti tanda orang ke ngelala bida utai ti betul enggau salah. Orang nyadi tegap ba pengarap enti iya nangika Jehovah sereta deka ngasika Iya, ukai ketegal iya mansang tuai.—Bacha Masmur 111:10.
13. Baka ni orang ke nembiak ulih ngayanka diri ngulihka pengelepas?
13 Orang ke nembiak ti tegap ba pengarap enda “dikebu lalu ditabanka kia-kia” ulih pengingin sida tauka ulih penemu nembiak bukai. (Eps. 4:14) Tang, sida “udah matihka diri ngelala bida entara utai ti badas enggau utai ti jai.” (Heb. 5:14) Nya alai sida ngaga pemutus ti manah, indah lebuh apai indai tauka orang besai tuai ke bukai nadai enggau sida. (Plp. 2:12) Penemu-dalam ke baka nya beguna kena ngulihka pengelepas. (Bacha Jaku Dalam 24:14.) Baka ni nuan ulih nulung anak nuan ngemansangka penemu-dalam ke baka nya? Nuan patut nentuka sida nemu utai ti berega ba nuan. Ari utai ti disebut sereta dikereja nuan, sida ulih beratika nuan nguji idup nitihka standard Bup Kudus.—Rom. 2:21-23.
Nama kebuah pengawa apai indai ke enda ngetu nulung anak nya berat? (Peda genteran 14-18)
14, 15. (a) Nama patut diperundingka orang ke nembiak ti deka dibaptisa? (b) Baka ni nuan ulih nulung anak nuan belematika berekat enti ngasika adat Petara?
14 Taja pia, ngambika ulih nulung anak nuan ngeringka pengarap diri, semina madah ngagai sida pasal utai ti betul enggau utai ti salah enda chukup. Nuan mega patut nulung sida belematika sekeda tanya baka: ‘Nama kebuah Bup Kudus nagang sekeda utai ke tau narit ati kitai? Baka ni aku ulih nemu standard Bup Kudus nya endang seruran manah ke aku?’—Isa. 48:17, 18.
Mrk. 10:29, 30) Endang manah berundingka utai tu sebedau dibaptisa. Tulung meh anak nuan belematika berekat ke diulih enti ngasi sereta penanggul ke ulih nyadi enti enda ngasi. Enggau nya iya tentu deka arap agi, nitihka standard Bup Kudus endang seruran manah ke iya.—U-dat. 30:19, 20.
15 Enti sema anak nuan deka dibaptisa, tulung meh iya mega berundingka tanggungjawap ke dikemisi iya pengudah dibaptisa. Nama runding iya pasal tanggungjawap nya? Nama berekat ke diulih iya? Nama penanggul ke ditapi iya? Nama kebuah berekat mayuh agi ari penanggul ke ditapi? (LEBUH NEMBIAK KE UDAH DIBAPTISA NAPI PENANGGUL BA PENGARAP
16. Nama patut digaga apai indai enti sema anak sida ke udah dibaptisa berengkah lemi ba pengarap?
16 Nama ulih digaga nuan enti sema anak nuan berengkah madahka diri kakang ati pasal pemendar pengudah dibaptisa? Ambika chunto, anak nuan engka berengkah rinduka utai ba dunya. Tauka anak nuan engka berengkah kakang ati sekalika nitihka prinsip Bup Kudus nya jalai pengidup ti pemadu manah. (Mas. 73:1-3, 12, 13) Chara nuan mutarka utai nya ulih ngasuh sekalika iya deka terus nyembah Jehovah tauka enda. Anang belaya enggau anak nuan pasal utai nya, enda ngira iya agi biak tauka beumur bebelas taun diatu. Tang, tentuka iya nemu nuan rinduka iya sereta deka nulung iya.
17, 18. Enti orang ke nembiak bisi kakang ati, baka ni apai indai ulih nulung?
17 Orang ke nembiak ti udah dibaptisa udah nyerahka diri ngagai Jehovah. Tu semaya deka rindu sereta nyembah Iya lebih ari semua utai bukai. (Bacha Mark 12:30.) Jehovah ngumbai nyerahka diri ngagai Iya nya semaya ti berat, lalu kitai pan patut bisi runding ti sama. (P-jar. 5:4, 5) Kingatka anak nuan pasal utai tu. Tang keterubah, bacha sereta pelajarka utai ti udah disediaka gerempung Jehovah ke apai indai. Udah nya, enggau chara ti nelap sereta ba maya ti ngena, padah ngagai anak nuan pemutus iya ti deka nyerahka diri ngagai Jehovah lalu deka dibaptisa nya pemutus ti amat besai. Taja pia, nya deka ngenataika mayuh berekat ngagai iya.
18 Ambika chunto, nuan ulih tetemuka jaku ajar ti manah ba apendiks “Pertanyaan Orang Tua” ba belakang bup Pertanyaan Kaum Muda—Jawaban Yang Praktis, Jilid 1, dalam jaku Indonesia. Apendiks nya ngelalau apai indai ngambika enda beguai ngumbai anak sida ke beumur bebelas taun udah nulak pemendar. Tang, apai indai patut mansik nama penanggul ke amat nyadi. Penanggul nya engka nyadi ketegal ditekan bala ke serambau tauka ketegal iya berasai sunyi. Tauka anak engka ngasaika nembiak bukai ngereja mayuh agi pengawa ke Jehovah enti dibandingka enggau iya. Apendiks nya mega nerangka pekara tu ukai reti anak nuan enda setuju enggau utai ti dipechaya nuan. Kesuah iya, pekara tu nyadi ketegal penanggul bukai ke ditapi iya. Udah nya apendiks nya madahka baka ni chara apai indai ulih nulung anak ke bisi kakang ati pasal pemendar.
19. Baka ni apai indai ulih nulung anak sida “ngulihka pengelepas”?
19 Kita ke apai indai bisi tanggungjawap ti besai sereta peluang ngemesaika anak kita ‘dalam disiplin enggau ajar Jehovah.’ (Eps. 6:4) Baka ke udah dipelajarka kitai, reti nya kita enda tau enda ngajar anak kita utai ku Bup Kudus sereta nulung sida arapka utai ti dipelajarka sida. Lebuh pengarap sida tegap, sida deka diperansang nyerahka diri empu ngagai Jehovah lalu meri Iya utai ti pemadu manah. Arapka Jaku Jehovah, roh kudus Iya, sereta pengawa kita ke bebendar nyadi apai indai ulih nulung anak kita “ngulihka pengelepas.”
^ per. 9 Iring dikena belajarka bup “Nama Utai ti Bendar Diajar Bup Kudus” nya perengka ti badas kena nulung orang ke biak enggau ke besai tuai nemu sereta nerangka sekeda pemendar Bup Kudus. Iring nya ulih ditemu nuan ba jw.org dalam mayuh bansa jaku. Peda ba AJAR BUP KUDUS > PERENGKA KENA BELAJARKA BUP KUDUS.