Jalai ti Mai Ngagai Pengelepas ti Bendar
“Enti Anak ngelepaska kita, kita amat dilepaska.”—JHN. 8:36.
1, 2. (a) Nama digaga orang kena bulih pengelepas? (b) Tang nama nyadi?
KEMAYAHARITU, orang ba mayuh endur di dunya tu bejaku pasal hak enggau pengelepas ti sama bela. Sekeda orang deka dilepaska ari penyuntuk, pengawa ti enda lurus, sereta pengawa ti berat sepiak. Sekeda nya minta bibas bejaku, milih utai ti dikedekaka sida, sereta idup nitihka chara ti dikinginka sida. Ba dini-dini endur orang dekaka pengelepas.
2 Kena bulih pengelepas, orang ngatur pengawa ke nunjukka diri mantah sereta mega inginka ubah. Tang kati sida amat bulih utai ti dikinginka sida? Enda. Kesuah agi, pengawa nya ngujungka mayuh agi pemerinsa sereta pemati. Utai ti dipadah Raja Solomon ba Pengajar 8:9 endang amat. Sekeda orang bekuasa atas orang bukai, tang “orang bukai ke natka diri merinsa dipegai sida.”
3. Nama patut digaga kitai ngambika ulih gaga sereta puas ati?
3 Bup Kudus madahka utai ti patut digaga kitai enti deka gaga sereta puas ati. Murid ke benama James madahka: “Orang ke merening ngagai adat ti pemadu badas, adat Jas. 1:25) Adat ti pemadu badas datai ari Jehovah, lalu Iya nemu agi utai ti diguna kitai ngambika ulih gaga sereta puas ati. Jehovah meri Adam seduai Hawa pengelepas ti bendar sereta semua utai bukai ke ulih ngagaka ati seduai iya.
pengelepas, lalu majak ngasika adat nya, . . . orang nya deka diberekatka dalam semua utai ti dikereja iya.” (MAYA MENSIA AMAT DILEPASKA
4. Pengelepas ke baka ni dikemisi Adam seduai Hawa? (Peda gambar ba pun artikel.)
4 Lebuh kitai macha Pemungkal bagi 1 enggau 2, kitai nemu Adam seduai Hawa bisi diberi pengelepas ke dikinginka orang kemayaharitu. Seduai iya bisi semua utai ke diguna, enda nangika sebarang utai, lalu nadai orang deka berat sepiak enggau seduai iya. Seduai iya enda irau pasal pemakai, kereja, pengerai, tauka pemati. (P-kal. 1:27-29; 2:8, 9, 15) Kati pengelepas seduai iya nya amat nadai sekat? Aram kitai meda.
5. Nama diguna orang ngambika bulih pengelepas?
5 Mayuh orang ngumbai diri bisi pengelepas ti bendar enti sida ulih ngereja semua utai enggau sepeneka ati lalu tau enda ibuh irauka utai ti deka nyadi udah nya. Bup The World Book Encyclopedia madahka, pengelepas nya “penau kena nentuka pilih lalu ngereja iya.” Taja pia bup nya mega madahka, orang bisi pengelepas enti perintah enda nyekat sida enggau chara ti enda lurus, enda patut, tauka enda ulih diterima. Reti nya, meri sekeda sekat nya patut ngambika semua orang bisi pengelepas. Tang sapa ke bisi hak nentu sekalika sekat nya lurus, patut sereta ulih diterima?
6. (a) Nama kebuah semina Jehovah aja ke bisi pengelepas ti nadai sekat? (b) Nama bansa pengelepas ke dikemisi mensia, lalu nama kebuah?
6 Kitai patut ingat, semina Petara Jehovah aja ke bisi pengelepas ti nadai sekat. Nama kebuah? Laban Iya nempa semua utai, lalu Iya mega Pemerintah ti pemadu bekuasa di dunya raya. (1 Tim. 1:17; Pem. 4:11) Raja David ngena leka jaku ti manah ngambarka penuduk Jehovah. (Bacha 1 Bansa Israel 29:11, 12.) Taja pia, pengelepas semua utai idup ke ditempa di serega enggau ba dunya bisi sekat. Petara Jehovah deka kitai nemu, semina Iya aja ke bisi hak nentu sekalika sekat nya lurus, patut sereta ulih diterima. Kenyau ari pun, Jehovah netapka sekat ba semua utai ti ditempa Iya.
7. Nama sekeda utai ke patut digaga kitai ngambika ulih gaga ati?
7 Taja pan Adam seduai Hawa bisi mayuh pengelepas, tang pengelepas seduai iya bisi sekat. Sekeda pengelepas nya endang udah ditetapka ba sida. Ambika chunto, ngambika ulih idup, seduai iya patut enseput, makai, sereta tinduk. Kati tu nunjukka seduai iya nadai pengelepas? Enda. Indah Jehovah nentuka utai ti ditetapka Iya nya ngasuh seduai iya gaga sereta puas ati. (Mas. 104:14, 15; P-jar. 3:12, 13) Semua kitai rindu nyintak angin ti beresi, makai pemakai ti dikerinduka kitai, sereta ulih tinduk enggau jenak. Kitai enda ngasaika diri ditating lebuh ngereja semua utai nya. Adam seduai Hawa tentu mega ngasaika baka nya.
8. Nama pesan nyemetak ti diberi Petara ngagai Adam seduai Hawa, lalu nama kebuah?
8 Jehovah meri Adam seduai Hawa siti pesan ti nyemetak. Jehovah deka seduai iya beranak betelesak, ngemenuhka dunya P-kal. 1:28) Kati pesan tu ngasuh seduai iya nadai pengelepas? Enda! Pesan nya meri seduai iya peluang ngaga serata dunya tu nyadi paradais, nyadi rumah alai seduai iya enggau bala anak seduai iya ti sempurna idup belama. Tu meh tuju Petara. (Isa. 45:18) Kemayaharitu, enti orang milih enggai kawin tauka ngembuan anak, tu ukai reti nya sida enda ngasika peneka Petara. Laban bisi mega orang ke deka kawin sereta ngembuan anak taja pan tu mai sekeda penanggul ngagai sida. (1 Kor. 7:36-38) Nama kebuah? Laban sida ngumbai nya ulih meri pengelantang sereta ati ti puas. (Mas. 127:3) Enti sema Adam seduai Hawa ngasika Jehovah, seduai iya tentu ngasaika pengelantang ba rumah tangga sereta diri sebilik belama iya.
sereta nyaga iya. (BAKA NI PENGELEPAS TI BENDAR UDAH LENYAU?
9. Nama kebuah pesan ke diberi Petara ba Pemungkal 2:17 nya ukai utai ti enda lurus, enda patut, tauka enda ulih diterima?
9 Jehovah meri Adam seduai Hawa siti agi pesan, lalu enggau terang madah pasal utai ke deka nyadi enti seduai iya enda ngasika pesan nya. Ku Jehovah madahka: “Nuan enda tau makai buah ari kayu penemu ti tau ngasuh nuan nemu semua utai, laban lebuh nuan makai buah nya, nuan deka mati.” (P-kal. 2:17) Kati pesan nya enda lurus, enda patut, tauka enda ulih diterima? Kati pesan nya ngerampas pengelepas Adam seduai Hawa? Enda. Indah mayuh pakar Bup Kudus ngumbai pesan Petara nya amat ngena sereta ngembuan penemu-dalam. Seiku ari pakar nya madahka, pesan Petara nulung kitai nemu “semina Petara aja ke nemu utai ti manah . . . ke mensia lalu semina Petara aja ke nemu utai ti enda manah . . . ke mensia. Ngambika ulih ngasaika ‘utai ti manah,’ mensia patut andal sereta ngasika Petara. Enti sida enda ngasi, sida deka diteju nentu kediri empu utai ti manah . . . enggau utai ti enda manah.” Nya meh utai ti pemadu mar digaga mensia kediri empu.
Pilih ke digaga Adam seduai Hawa ngujungka penusah ti besai! (Peda genteran 9-12)
10. Nama kebuah peluang bibas milih enda sama enggau hak nentuka utai ti manah enggau utai ti jai?
Semina Jehovah aja ke bisi hak nentuka utai ti manah enggau utai ti jai
10 Sekeda orang engka ngumbai Jehovah enda meri Adam pengelepas ti dikinginka iya. Taja pia sida enda sedar, peluang bibas milih tauka hak milih utai ti deka dikereja nya enda sama enggau hak nentuka utai ti manah enggau utai ti jai. Adam seduai Hawa ulih bibas milih sekalika deka ngasika Petara tauka enggai. Tang semina Jehovah aja ke bisi hak nentuka utai ti manah enggau utai ti jai. Lalu nya dilambangka ngena “sepun kayu ti meri penemu kena ngelala bida entara utai ti manah ari utai ti jai” ba Kebun Eden. (P-kal. 2:9) Kitai enda seruran nemu nama nyadi ketegal pilih ke digaga kitai, lalu kitai mega enda nemu sekalika asil iya deka seruran manah. Nya kebuah kitai suah meda orang merinsa, napi penusah ti besai, tauka bebadi nyawa, taja pan sida udah ngaga pilih tauka pemutus enggau tuju ati ti manah. (J-lam. 14:12) Amat, mensia bisi sekat ba utai ke ulih dikereja sida. Lebuh Jehovah nagang Adam seduai Hawa makai buah ari pun kayu nya, Jehovah deka seduai iya ngasika Iya ngambika tau bulih pengelepas ti bendar. Tang nama pilih ke digaga Adam seduai Hawa?
11, 12. Nama kebuah pilih ke digaga Adam seduai Hawa ngujungka penusah ti besai? Padahka siti chunto.
11 Sayau amat, Adam seduai Hawa milih enggai ngasika Jehovah. Hawa milih mendingka jaku Sitan ti besemaya: “Mata seduai deka tebuka lalu seduai deka nyadi sebaka enggau Petara, nemu ngelala bida entara utai ti manah enggau utai ti jai.” (P-kal. 3:5, NW) Kati pilih ke digaga Adam seduai Hawa nya amat meri seduai iya mayuh agi pengelepas, munyi ke dipadah Sitan? Enda. Tang seduai iya nyau nemu, nulak iring ari Jehovah tau ngujungka penusah ti besai. (P-kal. 3:16-19) Nama kebuah? Laban Jehovah nadai meri mensia pengelepas nentuka bagi utai ti manah enggau utai ti jai kediri empu.—Bacha Jaku Dalam 20:24; Jeremiah 10:23.
12 Tu baka seiku pilot ke nerebaika bilun. Ngambika ulih selamat datai ngagai endur ke dituju, selalu iya pilot nitihka jalai penerebai ti udah ditetapka, ngena perengka ti bisi dalam bilun kena nemu tunga jalai sereta berandau enggau orang ke ngemataka tunga penerebai bilun. Tang enti pilot enda nitihka iring lalu terebai nitihka tunga ti dikinginka iya, tu tau ngujungka penusah ti besai. Baka pilot nya, Adam seduai Hawa ingin ngereja utai nitihka peneka ati seduai iya empu. Seduai iya nulak iring ari Petara. Tang nama nyadi? Rom. 5:12) Ketegal deka nentuka utai ti manah enggau utai ti jai kediri empu, Adam seduai Hawa nadai bulih mayuh pengelepas. Seduai iya lenyau pengelepas ti bendar ke udah diberi Jehovah.
Penusah ti besai! Pemutus ke digaga ngujungka seduai iya enggau bala anak seduai iya bulih dosa enggau pemati. (CHARA NGULIHKA PENGELEPAS TI BENDAR
13, 14. Baka ni kitai tau bulih pengelepas ti bendar?
13 Sekeda orang ngumbai bisi pengelepas ke nadai sekat nya manah. Kati nya amat? Taja pan pengelepas bisi meri mayuh penguntung, ulih nuan ngambarka baka ni gaya dunya tu enti pengelepas amat nadai sekat? Bup The World Book Encyclopedia madahka, undang-undang ke nulung siti-siti komuniti ti teatur amat mayuh sereta mar dititihka laban undang-undang nya patut nyaga sereta mega nyekat pengelepas orang. Tu enda seruran senang. Ketegal nya kitai bisi meda mayuh undang-undang sereta bala luyar enggau bala hakim ke nguji deka nerang sereta ngena undang-undang nya.
14 Jesus Kristus madahka chara kitai tau bulih pengelepas ti bendar. Ku iya madahka: ‘Enti kita bepegai ba jaku aku, kita amat murid aku lalu kita deka nemu pemendar, lalu pemendar deka ngelepaska kita.’ (Jhn. 8:31, 32) Nya alai ngambika tau bulih pengelepas ti bendar, kitai patut ngereja dua iti utai. Kesatu, kitai patut nerima pemendar ke diajar Jesus. Kedua, kitai patut nyadi murid iya. Enti kitai ngereja dua iti utai nya, kitai amat dilepaska. Dilepaska ari nama? Jesus madahka: “Genap iku orang ke ngereja dosa, nyadi ulun dosa.” Ku iya agi: “Enti Anak ngelepaska kita, kita amat dilepaska.”—Jhn. 8:34, 36.
15. Nama kebuah pengelepas ti disemaya Jesus ‘amat ngelepaska’ kitai?
15 Pengelepas ti disemaya Jesus ngagai bala murid iya manah agi ari pengelepas ke dikinginka mayuh orang kemayaharitu. Lebuh Jesus madahka, “Enti Anak ngelepaska kita, kita amat dilepaska,” Jesus nyebut pasal dilepaska ari ulun dosa, utai ti balat nanchang mensia. Baka ni kitai nyadi ulun dosa? Dosa ngujungka kitai ngereja utai ti jai. Dosa mega nagang kitai ngereja utai ti betul tauka ngereja utai enggau bebendar. Tu ngujungka kitai asa, pedis, merinsa, sereta mati. (Rom. 6:23) Rasul Paul kala ngasaika pemedis nyadi ulun dosa. (Bacha Rome 7:21-25.) Kitai deka bulih pengelepas ti bendar baka ke udah diberi ngagai Adam seduai Hawa, enti dosa nadai agi.
16. Baka ni kitai amat ulih dilepaska?
16 Jaku Jesus ‘enti kita bepegai ba jaku aku’ nunjukka kitai patut ngereja sekeda utai enti deka Jesus ngelepaska kitai. Nama patut dikereja kitai? Enti kitai udah dibaptisa, kitai enda agi berundingka diri empu lalu milih sekat ke udah ditetapka Jesus ba bala murid iya. (Mat. 16:24) Baka ke disemaya Jesus, jemah ila kitai amat dilepaska lebuh kitai nerima semua penguntung ari genselan tebus.
17. (a) Baka ni kitai ulih gaga sereta puas ati? (b) Nama deka diperatika kitai ba artikel pengudah tu?
17 Ngambika ulih gaga sereta puas ati, kitai patut ngasika ajar Jesus laban kitai murid iya. Enti kitai ngereja nya, kitai amat ulih dilepaska ari nyadi ulun dosa enggau pemati. (Bacha Rome 8:1, 2, 20, 21.) Ba artikel pengudah tu, kitai deka beratika chara kitai ulih ngena pengelepas ke dikemisi kitai diatu enggau manah. Lalu kitai ulih ngemuliaka Jehovah, Petara pengelepas ti bendar, belama iya.