Utai ti Bendar Pasal Perintah Petara
Jesus ngajar bala murid iya besampi, “Apai kami ti di serega: Kudus meh nama Nuan. Datai meh Perintah Nuan. Nyadi meh peneka Nuan di dunya enggau di serega.” (Matthew 6:9, 10) Nama reti Perintah Petara? Nama deka digaga perintah tu? Lalu nama kebuah kitai patut besampika penatai perintah tu?
Jesus nya Raja ba Perintah Petara.
Luke 1:31-33: ‘Nuan deka meri iya nama Jesus. Iya deka nyadi orang ke tinggi pangkat, lalu Iya deka dikumbai Anak Petara ti Pemadu Tinggi, lalu Petara Jehovah deka meri Iya kerusi diraja aki Iya David. Iya deka merintah peturun Jakop belama iya, lalu Perintah Iya enda nemu abis!’
Batang randau ke dikerembaika Jesus nya pasal Perintah Petara.
Matthew 9:35: ‘Jesus bejalai ngagai semua nengeri enggau genturung pendiau, ngajar dalam balai gempuru, nusui Berita Manah pasal Perintah Petara, lalu ngeraika orang ari semua macham pemedis enggau penyakit.’
Jesus meri bala murid iya tanda kena nulung sida nemu kemaya perintah nya deka datai.
Matthew 24:7: ‘Laban bansa siti deka beperang ngelaban bansa siti, lalu menua siti deka beperang ngelaban menua siti, lalu lapar pungkang enggau tanah berenyang deka nyadi ba mayuh bengkah endur.’
Kemayaharitu bala murid Jesus nginjil pasal Perintah Petara ba serata dunya.
Matthew 24:14: ‘Lalu Berita Manah pasal Perintah Petara deka ditusui di serata dunya, nyadika saksi ngagai semua bansa. Udah nya baru pengujung datai.’
Nuan Engka Rindu Meda Tu
ESSENTIAL BIBLE TEACHINGS
Nama Reti Perintah Petara?
Lebuh Jesus nginjil, iya ngajar mayuh agi pasal Perintah Petara ari utai bukai. Beribu taun, nembiak iya udah besampi ngambika Perintah Petara tu datai.
