BUAI ATI TI BEGEDI
1 | Anang Bepilih Mata
Ajar Bup Kudus:
‘Aku nemu Petara endang amat enda bepilih mata, tang dalam semua bansa, barang sapa nangika Iya, lalu ngereja utai ti ngena sigi dikerinduka Iya.’—SURAT KEREJA RASUL 10:34, 35.
Reti Iya:
Petara Jehovah a enda meda kitai bepelasarka menua, bansa, warna kulit enggau adat. Tang Iya meda ati enggau runding kitai. Bup Kudus madahka, ‘Mensia meda gamal, tang Jehovah meda ati.’—1 Samuel 16:7.
Utai ke Ulih Digaga Nuan:
Taja pan kitai enda ulih macha ati orang, kitai enggau naka ulih nitihka teladan Petara ti enda bepilih mata. Uji meh meda pemanah seseiku orang nitihka perangai iya, ukai nitihka bansa tauka warna kulit iya. Enti nuan ngasaika diri bisi runding ti enda manah ngagai sesiti bansa tauka menua, besampi meh minta tulung Petara ngubah runding nuan. (Masmur 139:23, 24) Jehovah tentu ninga sampi nuan sereta meri nuan pengering, ngambika nuan ulih ngelaban runding ti bepilih mata.—1 Peter 3:12.
a Jehovah nya nama Petara ke bisi ayan ba Bup Kudus, senentang Jaku Penerang.
“Sebedau tu, aku enda kala bisi kaul ti manah enggau orang putih, . . . Tang diatu aku udah nyadi sebagi ari menyadi Kristian entarabansa ti bendar.”—TITUS
Nuan Engka Rindu Meda Tu
PERATIKA!
Ulah ti Bepilih Mata—Kati Nuan Udah Kena Rampit?
Nama tanda ti nunjukka kitai bepilih mata?
