1. 1. ANTU SITAN. Sitan, melikat ke ngelaban Petara, pun semua ati ti begedi. Petara deka ngemunaska Sitan enggau semua orang ke ngayanka ati ti begedi baka iya.—Masmur 37:38; Rome 16:20.

2. 2. DUNYA SITAN KE PENUH ENGGAU PEMENCHI. Petara deka muai semua penyai ba dunya tu nyengkaum pengawa politik ke makai suap sereta tuai pengarap ke nyungkak pemenchi. Petara mega deka muai pengawa dagang ke ngujungka orang amu, rindu makai suap, sereta ngambi ulih ari orang bukai.—2 Peter 3:13.

3. 3. MENSIA TI ENDA SEMPURNA. Bup Kudus nerangka, semua mensia enda sempurna. Nya alai, mensia deka nitihka runding, asai ati, enggau pengawa ti salah, chunto iya begedika orang bukai. (Rome 5:12) Tang lebuh mensia sempurna, kitai badu dikuasa asai ati ti begedi.—Isaiah 54:13.

1. 1. NADAI UTAI TI ENDA LURUS. Perintah Petara ke ba serega deka merintah bumi, lalu Perintah tu deka ngenataika pengelurus belama iya. (Daniel 2:44) Maya nya, ulah ti salah sangka sereta berundingka diri empu deka nadai agi. Petara deka muai semua utai ke enda lurus ti nyadi diatu.—Luke 18:7.

2. 2. SEMUA ORANG DEKA IDUP LANTANG. Nadai agi mensia deka idup merinsa ketegal ganas tauka perang. (Masmur 46:9) Bumi deka nyadi endur ti likun laban semua orang ke diau dia rinduka pemaik.—Masmur 72:7.

3. 3. SEMUA ORANG DEKA NGASAIKA PENGIDUP TI SEMPURNA BELAMA IYA. Semua orang ke ba bumi deka rinduka pangan diri. (Matthew 22:39) Nadai orang deka berasai tusah ati, sereta pengingat ti jai ke dalam runding sida deka dibuai abis. (Isaiah 65:17) Pengudah pemenchi dibuai, mensia deka “diau lantang” sereta ngasaika pengidup ti penuh pemaik.—Masmur 37:11.

Kati nuan deka idup ba dunya ke baka tu? Indah diatu, mayuh orang udah mujur muai asai ati ti begedi ketegal nitihka prinsip Bup Kudus. (Masmur 37:8) Nya meh utai ke deka dikereja bejuta iku bala Saksi ba serata dunya. Taja pan sida datai ari adat sereta chara pengidup ti enda sama, sida baka siti ruang bilik ti beserakup sereta bepengerindu.—Isaiah 2:2-4.

Saksi-Saksi Jehovah enggau gaga ati, bekunsi enggau nuan utai ke udah dipelajarka sida pasal chara napi utai ti enda lurus, sereta diskriminasi. Nuan ulih belajar chara muai asai ati ti begedi enggau belubah-lubah, sereta nganti iya enggau pengerindu. Nuan ulih belajar chara ngayanka pemanah ngagai semua orang, indah ngagai orang ke enda nemu beterima kasih tauka sida ke begedika nuan. Asil iya, nuan deka berasai gaga ati sereta bisi kaul ti manah enggau semua orang. Utai ti pemadu penting, nuan ulih belajar baka ni nuan ulih idup ba dunya ti dipegai Perintah Petara, sereta bibas ari pemenchi belama iya.—Masmur 37:29.