BUAI ATI TI BEGEDI
4 | Buai Ati ti Begedi enggau Tulung ari Petara
Ajar Bup Kudus:
‘Buah roh kudus nya pengerindu, pengaga, pemaik, pengeliat ati, penyiru, pemadas, penetap ati, penelap, ulih nagang diri.’—GALATIA 5:22, 23.
Reti Iya:
Kena muai ati ti begedi, kitai begunaka semua ulah ke disebut ba ayat tadi. Kitai engka enda ulih ngemansangka ulah nya enggau pengering diri empu, tang roh kudus Petara ulih nulung kitai. Nyadi ari ke bepanggai ba diri empu, kitai deka bepanggai ba Petara. Pengudah ngasaika baka ni Petara udah nulung Paul, iya nulis, “Aku ulih ngereja semua utai ulih Iya ke meri aku pengering.” (Pilipi 4:13) Lebuh kitai mega ngasaika tulung ari Petara, kitai pan deka nyebut: ‘Penyaup aku deka datai ari Jehovah.’—Masmur 121:2.
Utai ke Ulih Digaga Nuan:
“Jehovah udah ngubah aku ari orang ke ganas ngagai orang ke rinduka pemaik.”—WALDO
Besampi ngagai Jehovah, minta roh kudus Iya. (Luke 11:13) Minta meh tulung ari Petara, ngambi nuan ulih ngayanka ulah ti manah ba pengidup. Peresa meh ajar Bup Kudus pasal ulah ke ulih muai pemenchi. Chunto iya, pengerindu, pemaik, pengeliat ati sereta nemu nagang diri. Giga meh jalai kena ngemansangka ulah tu ba pengidup nuan. Kelimpah ari nya, begulai meh enggau orang ke benung ngemansangka ulah ti manah nya. Laban sida ulih “berundingka chara kitai tau nyungkak pangan diri ngayanka pengerindu lalu ngereja pengawa ti badas.”—Hebrew 10:24.
Nuan Engka Rindu Meda Tu
SAUT NGAGAI TANYA PASAL BUP KUDUS
Nama Ajar ari Bup Kudus Pasal Pengeringat?
Kati pengeringat ulih ditagang? Nama patut digaga nuan lebuh pengeringat nyadi?
