Nuan engka kala meda orang bukai dipegedika. Mayuh berita ngeriput pasal ati ti begedi ngagai orang ari menua bukai, tauka sesiti bansa. Pia mega, ngagai sida ke homoseksual. Nya alai, mayuh perintah ngemendarka undang-undang ngambika ulih nyekat jenayah ketegal ati ti begedi.

Kesuah iya, ati ti begedi senang ngasuh orang deka malas dendam, lalu ngujungka pekara tu enda nemu putus.

Pia mega, orang engka salah runding pasal nuan, nyentukka nuan dikelese, dipejai sereta ditekan. Nya alai, selalu iya asai ati ti begedi diayanka nengah ulah ti kasar, chunto iya buli, ngerusak reta tengkira, nyerang orang, masung tauka ngerugul, munuh, indah sanggup bebunuhka sesiti bansa.

Majalah tu deka nyaut semua tanya tu, lalu nerangka baka ni ati ti begedi ulih dibuai:

• Nama kebuah mayuh orang begedika pangan diri?

• Baka ni kitai ulih muai asai ati ti begedi?

• Kati ulih asai ati ti begedi dibuai belama iya?