SEKEDA ORANG NGUMBAI perintah Petara nya dalam ati orang; sekeda ngumbai iya utai ke digaga mensia kena mai pengelantang sereta penyerakup ba dunya. Nama runding nuan?

NAMA DIPADAH BUP KUDUS

‘Petara ti di serega deka numbuhka siti perintah ti enda nemu abis. . . . iya deka ngerusak semua perintah bukai [mensia].’ (Daniel 2:44) Perintah Petara nya perintah ti nyata.

NAMA AGI ULIH DIPELAJARKA KITAI ARI BUP KUDUS?

• Perintah Petara merintah ari serega.—Matthew 10:7; Luke 10:9.

• Petara ngena Perintah Iya ngamatka peneka Iya di serega enggau di dunya.—Matthew 6:10.

NAMA SAUT NUAN?

• Nadai orang nemu

• Enda lama da agi

• Enda datai

NAMA DIPADAH BUP KUDUS

‘Berita Manah pasal Perintah Petara deka ditusui di serata dunya, nyadika saksi ngagai semua bansa. Udah nya baru pengujung datai.’ (Matthew 24:14) Pengudah berita manah ditusui di serata dunya, Perintah Petara deka muai semua utai ke jai ba dunya tu.

NAMA AGI ULIH DIPELAJARKA KITAI ARI BUP KUDUS?

• Nadai seiku orang ba dunya tu nemu enggau bendar kemaya Perintah Petara deka datai. —Matthew 24:36.

• Utai ti dipadah Bup Kudus pasal jemah ila nunjukka, Perintah Petara deka datai enda lama da agi.—Matthew 24:3, 7, 12.