Penemu ti Nyemakka Kitai Ngagai Petara
Petara kitai ngembuan kualiti, lalu kualiti Iya ngerinduka ati. Iya ka kitai belajar pasal Iya sereta nyadi pangan Iya. (John 17:3; James 4:8) Nya kebuah Petara seruran madahka sapa Iya.
Petara Bisi Nama
‘Awakka sida nemu Nuan siku aja ti Jehovah, * Raja ti Pemadu Tinggi ke serata dunya.’—MASMUR 83:18.
Dalam Bup Kudus ngajar, Jehovah nya meh Petara ti Bendar. Iya meh ke ngaga semua utai ba serega enggau utai ba dunya. Nya kebuah semina Iya aja ke patut nerima sembah kitai.—Pemandang 4:11.
Jehovah Petara ti Pengerindu
‘Petara endang pengerindu.’—1 JOHN 4:8.
Nengah Bup Kudus enggau semua utai ke digaga ba dunya, Petara Jehovah mandangka sapa Iya ti bendar. Pengerindu kualiti Petara ti pemadu tampak, laban semua utai ke digaga Iya ketegal pengerindu. Mayuh agi utai ke dipelajar kitai pasal Jehovah, sayau agi kitai ke Iya.
Jehovah Petara ti Deka Ngampun
‘Petara ti seruran sedia deka ngampun.’—NEHEMIAH 9:17.
Jehovah nemu kitai tu mensia ti enda sempurna. Nya kebuah Iya “sedia deka ngampun.” Enti kitai udah amat nesal ati, lalu bebendar enda ngereja penyai agi, Iya deka ngampun lalu enda betatika penyalah kitai ke suba.—Masmur 103:12, 13.
Jehovah Ningaka Sampi
“[Jehovah] diau semak sida ke ngangauka Iya . . . Iya ninga sabak sida.”—MASMUR 145:18, 19.
Lebuh nyembah Jehovah kitai enda ibuh begunaka utai, tanda, gambar, tauka engkeramba. Iya rindu ningaka sampi kitai, baka apai indai ke rindu ninga anak sida iya bejaku.
^ per. 4 Jehovah nya nama Petara ke bisi ayan ba Bup Kudus senentang Jaku Penerang.
Nuan Engka Rindu Meda Tu
SAUT NGAGAI TANYA PASAL BUP KUDUS
Sapa Jehovah?
Kati Iya semina Petara ke siti raban orang aja baka ke orang Israel?
SAUT NGAGAI TANYA PASAL BUP KUDUS
Kati Petara Deka Ngampunka Aku?
Peratika nama ajar Bup Kudus pasal chara ngulihka pengampun ari Petara.
