Nama Kebuah Orang Majak Enda Bebasaka Diri Empu?
KEBUAH NUAN PATUT BEBASAKA DIRI EMPU
Orang ke bisi basa ngagai diri empu ulih napi penanggul ba pengidup enggau ati ti andal. Sida enda senang putus asa.
-
Nitihka pansik, orang ke enda ngembuan runding ti manah pasal diri empu senang agi kena penyakit balat irau (anxiety), kemurungan, sereta penyakit ke ngachau chara sesiku orang makai tauka eating disorders. Tu ngujungka sida balat ngirup ai bisa enggau makai dadah.
-
Sida ke bisi basa ngagai diri empu enda mandingka diri enggau orang bukai. Tu nulung sida senang agi begulai enggau orang bukai sereta ngembuan kaul ti tegap enggau sida. Taja pia, sida ke kurang bebasaka diri empu senang agi bejakuka orang bukai, lalu tu ulih ngerusak kaul sida enggau orang bukai.
-
Indah maya sida napi penanggul, orang ke bisi basa ngagai diri empu enda senang dialahka, lalu sida enda nejuka sebarang utai ngachau sida ari nyapai juluk ati sida. Tang orang ke kurang bebasaka diri empu, suah iya ngumbai penanggul ti mit baka penanggul ti besai ke enda ulih diputarka. Tu ngasuh sida senang agi putus asa.
UTAI KE ULIH DIGAGA NUAN
Pilih kaban ti meransang. Begulai meh enggau orang ke bisi basa, orang ke amat ibuhka nuan, sereta orang ke ulih meransang nuan.
Nulung orang bukai. Manah enggau orang bukai sereta kereja utai ke orang bukai nyengkaum sida ke enda ulih malas budi nuan. Laban lebuh nuan ngereja nya, nuan deka ngasaika pengaga ati ti bendar ketegal meri. Nuan deka gaga agi ati taja pan orang bukai enda meda utai ke digaga nuan.
Tulung anak nuan bebasaka diri. Siti chara nya, tejuka sida mutarka penanggul sida empu enggau naka ulih sida. Tu nulung bala anak belajar chara napi tauka mutarka penanggul. Lebuh sida belajar ngereja tu, sida deka lebih agi bebasaka diri empu diatu enggau maya sida mansang besai.
CHARA SAKSI-SAKSI JEHOVAH NGAYANKA BASA NGAGAI DIRI EMPU
Gempuru enggau program belajarka Bup Kudus Saksi-Saksi Jehovah, udah nulung orang ngemanahka agi pengidup sida sereta meransang sida bisi basa ngagai diri empu.
GEMPURU NINTING MINGGU KAMI
Ba gempuru ninting minggu, kami rindu ninga cheramah ke bepelasarka Bup Kudus, ke ngajar kitai chara ngemansangka basa ngagai diri empu. Tama ngagai gempuru kami enda bebayar lalu tu tebuka ngagai semua orang. Ngambika chunto, ba gempuru kami nuan deka belajar . . .
-
kebuah nuan berega ba Petara
-
chara tetemuka tuju ti bendar ba pengidup
-
chara negapka lalu ngetanka kaul
Nuan mega deka tetemuka kaban ti bendar ke “ngintu pangan diri.”—1 Korint 12:25, 26.
Kena nemu mayuh agi pasal gempuru kami, giga meh video pandak ba jw.org/iba ke betajuk, Nama Nyadi ba Palan Gempuru?
PROGRAM BELAJARKA BUP KUDUS KAMI
Kami bisi kursus belajarka Bup Kudus enggau pechuma ngena bup Idup enggau Lantang Belama Iya! Bup tu ngembuan ayat kunchi, penerang ti jelas, tanya ti ngena, vídeo ti ngerinduka ati, enggau gambar ti lawa. Program belajarka Bup Kudus kami ulih nulung orang ngasaika diri berega lalu ngemanahka pengidup sida.
Kena nemu baka ni belajarka Bup Kudus enggau Saksi-Saksi Jehovah ulih meri penguntung ngagai nuan, peda vídeo pandak ba jw.org/iba ke betajuk, Nama Kebuah Belajar Bup Kudus?
Nuan Engka Rindu Meda Tu
PERATIKA!
Chara Ngayanka Basa
Basa ukai semina sekali-sekala aja diayanka, tang patut terus diayanka. Baka ni nuan bebasaka kaling pengidup?
SAUT NGAGAI TANYA PASAL BUP KUDUS
Nama Penemu ari Bup Kudus Pasal Rinduka Diri Empu?
Jesus madah: “Nuan patut rinduka orang bukai.” Nama reti ku iya?
PASAL KAMI
Pinta Datai
Kerandauka tanya pasal Bup Kudus, tauka belajar mayuh agi pasal Saksi-Saksi Jehovah.
PASAL KAMI
Datai Gempuru
Peratika chara kami begempuru. Giga endur ke semak nuan alai gempuru kami dipejalaika.
